სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

Red Bull GerGetIt 2017: სტეფანწმინდა ესტაფეტას მესამედ უმასპინძლებს

თარიღი: 2017 სექტემბერი 14


16 სექტემბერს სტეფანწმინდაში, ყაზბეგის ეროვნულ პარკში გუნდური ესტაფეტა Red Bull GerGetIt ჩატარდება. ესტაფეტაში 12 გუნდი მიიღებს მონაწილეობას, მათ შორის აზერბაიჯანიდან და სომხეთიდან.

Red Bull GerGetIt საქართველოში მესამედ გაიმართება. ესტაფეტა პირველად 2013 წელს მოეწყო, მეორედ - 2014-ში. Red Bull GerGetIt სპორტის ოთხ სახეობას აერთიანებს. მონაწილეები საკუთარ შესაძლებლობებს კაიაკში (მდინარეზე ნავით დაშვება), მეკლდეურობაში, სამთო ველორბოლასა და სამთო სირბილში გამოცდიან.

გამარჯვებული გუნდი ოთხივე სახეობის შედეგების დაჯამების შემდეგ გამოვლინდება. დროის დათვლას და პრიზიორების გამოვლენას გერმანული კომპანია DATACAPO უზრუნველჰყოფს.

შეჯიბრება სოფელ ყანობში დაიწყება და გერგეთის სამების მიმდებარე ტერიტორიაზე დასრულდება. Red Bull GerGetIt-ის საპრიზო ფონდი 8 ათასი ლარია. პირველ ადგილზე გასული გუნდი 3 ათასით დაჯილდოვდება, მეორეადგილოსანი 2 ათასს მიიღებს, მესამეადგილოსანი კი ათასს. 500-500 ლარი გადაეცემათ კონკრეტულ ეტაპზე გამარჯვებულ სპორტსმენებს.

დღევანდელ პრესკონფერენციაზე სპორტისა და ახალგაზრდობის საქმეთა მინისტრმა ტარიელ ხეჩიკაშვილმა განაცხადა: „მოხარული ვარ, რომ ჩვენი ქვეყნის ერთ-ერთი ულამაზესი კუთხე ყაზბეგი ისეთ მშვენიერ სპორტულ ღონისძიებას მასპინძლობს, როგორიც რედ ბულის ესტაფეტაა. დარწმუნებული ვარ ეს შეჯიბრება ისეთივე წარმატებული იქნება, როგორიც წინამორბედები იყო. ასეთი აქტივობები ხელს უწყობს საზოგადოებაში ცხოვრების ჯანსაღი წესის დამკვიდრებას, მსგავს წამოწყებებს კი სპორტისა და ახალგაზრდობის საქმეთა სამინისტრო ყოველთვის მხარს დაუჭერს. მსურს წარმატება ვუსურვო ორგანიზატორებს, ფედერაციას სპორტი ყველასათვის და რედ ბულს, ესტაფეტის ყველა მხარდამჭერს და მონაწილეებს კი საქართველოს ერთ-ერთ ულამაზეს კუთხეში დაუვიწყარი წუთების გატარება"! ტურნირის შესახებ ასევე ისაუბრა ფედერაცია სპორტი ყველასათვის პრეზიდენტმა მაია აზარაშვილმა.

Red Bull GerGetIt საერთაშორისო პროექტის - Red Bull Dolomitenmann-ის ქართული ანალოგია, იმ განსხვავებით, რომ ქართულ შეჯიბრში დამატებულია კლდეზე ცოცვა. Red Bull Dolomitenmann ავსტრიის ალპებში ყოველწლიურად ტარდება და დასავლეთ ევროპაში ყველაზე რთული ესტაფეტის სახელითაა ცნობილი.

Red Bull GerGetIt Red Bull-ის ორგანიზებით და ინიციატივით ტარდება. პროექტის თანაორგანიზატორია სპორტისა და ახალგაზრდობის საქმეთა სამინისტრო, ფედერაცია სპორტი ყველასათვის და სასტუმრო Rooms Hotels.

სამინისტროს პრესსამსახური

სხვა ახალი ამბები
კატეგორია : არაოლიმპიური თარიღი : 2018 იანვარი 29
პირველად სუმოს ისტორიაში, ქართველი იმპერატორის თასის მფლობელია! ტოჩინოშინმა იგივე ლევან გორგაძემ დღეს საუკეთესო სუმოისტის ტიტული მოიპოვა.
კატეგორია : არაოლიმპიური თარიღი : 2018 იანვარი 24
2018 წლის 21 იანვარს 14.00 საათზე, ოლიმპიურ სპორტის სასახლეში გაიმართა საქართველოს უშუს ეროვნული ფედერაციის საერთო კრება/ყრილობა. 
კატეგორია : არაოლიმპიური თარიღი : 2017 ნოემბერი 14
6-12 ნოემბერს ემეიშანში (ჩინეთი) ჩატარდა მსოფლიოს მე-7 კუნგფუს (ტრადიციული უშუ) ჩემპიონატი, სადაც 57 ქვეყნის 927 სპორტსმენი ღებულობდა მონაწილეობას.  
კატეგორია : არაოლიმპიური თარიღი : 2017 ნოემბერი 09
ჩინეთის ქალაქ ემეიშანში დაწყებული კუნგ-ფუს (ტრადიციული უშუ) მე-7 მსოფლიო ჩემპიონატის პირველ საშეჯიბრო დღეს საქართველოს ნაკრებმა 4 მედალი მოიპოვა: ოქრო, 2 ვერცხლი და ბრინჯაო!
კატეგორია : არაოლიმპიური თარიღი : 2017 ოქტომბერი 25
სპორტისა და ახალგაზრდობის საქმეთა მინისტრმა ტარიელ ხეჩიკაშვილმა დღეს ჰიმალაიდან დაბრუნებულ მთამსვლელებს არჩილ ბადრიაშვილს, გიორგი ტეფნაძეს და ბაქარ გელაშვილს უმასპინძლა.