თბილისში, საქართველოს ახალგაზრდობის სახლში, რადიოს STAR FM და საქართველოს სპორტისა და ახალგაზრდობის საქმეთა სამინისტროს ერთობლივი კონკურსის „ახალი ხმა" გამარჯვებულთა დაჯილდოვება გაიმართა. კონკურსის გამარჯვებული, რომელიც რადიოს STAR FM წამყვანი გახდება, რადიო მსმენელებმა სატელეფონო შეტყობინებების (სმს) მეშვეობით გამოავლინეს.  

2 თებერვალს, სპორტისა და ახალგაზრდობის საქმეთა მინისტრი - ლადო ვარძელაშვილი სამინისტროში საქართველოს რეგიონებში სპორტზე პასუხისმგებელ პირებსა და სხვადასხვა სპორტსკოლების ხელმძღვანელებს შეხვდა. შეხვედრაზე მინისტრმა რეგიონების წარმომადგენლებისათვის ქართული სპორტის შესახებ პრეზენტაცია წარმოადგინა, სადაც საუბარი იყო 2011 წლის ძირითად მიღწევებსა და 2012 წელს დაგეგმილ იმ პრიორიტეტებზე, რასაც სახელმწიფო განსაზღვრავს სპორტის განვითარებისათვის.     

იტალიის სერია A-ში წარმატებული თამაშის შემდეგ ვიქტორ სანიკიძით პრესა დაინტერესდა. გაზეთ "მეტრო-ნიუსის" ჟურნალისტმა ნიკოლა ძანარინიმ AIR GEORGIA-ად წოდებულ ქართველ ფორვარდს საინტერესო ინტერვიუ ჩამოართვა. შეგახსენებთ, რომ სანიკიძე იტალიის ჩემპიონატის გასული ტურის საუკეთესო კალათბურთელად დაასახელეს. მან "აველინოსთან" მატჩში 16 ქულა და 12 მოხსნა მოაგროვა.

სანაკრებო რაგბიდან წასულმა ლეგენდარულმა უელსელმა გარემარბმა შეინ უილიამსმა განაცხადა, რომ ამ სეზონის ბოლოს მთლიანად დაასრულებს მოთამაშის კარიერას. უილიამსმა უელსის ნაკრებში ბოლოს 2011 წლის დეკემბერს ავსტრალიასთან ითამაშა, კლუბში კი კიდევ ერთი წელი დარჩება, შემდეგ კი სავარაუდოდ მწვრთნელობას მოჰკიდევს ხელს. უილიამსს 2013 წლის ზაფხულამდე აქვს კონტრაქტი თავის კლუბთან სუონსის „ოსფრიზთან". ამ თვეში იგი 35 წლის ხდება.

ორ აფრიკულ ქვეყანაში, გაბონსა და ეკვატორულ გვინეაში მიმდინარე აფრიკის ეროვნებათა თასზე ჯგუფური ეტაპი დასრულდა. 16 მონაწილიდან ნახევარი ტურნირს გამოეთიშა, მეორე ნახევარი კი მეოთხედფინალიდან გააგრძელებს კონტინენტური თასისთვის ბრძოლას. თამაშები 4 თებერვლიდან განახლდება. აღსანიშნავია, რომ ამ ეროვნებათა თსზე არ თამაშობენ ძლიერი აფრიკული ნაკრებები - ნიგერია, კამერუნი, ეგვიპტე, ალჟირი და სამხრეთ აფრიკა. მათ საკვალიფიკაციო ტურნირი ვერ დაძლიეს.