საქართველოს მორაგბეთა ნაკრები ევროპის ერთა თასის პირველი მატჩისთვის მზადებას განაგრძობს. 3 თებერვალს „ბორჯღალოსნებმა" შევარდენის სანაკრებო ბაზაზე ღია ვარჯიში გამართეს, რომლის დასრულების შემდეგ ნაკრების ახალ ზელანდიელმა თავკაცმა მილტონ ჰეიგმა პრესკონფერენცია გამართა და ჟურნალისტების შეკითხვებს უპასუხა.

26 თებერვალს ფლორიდის ქალაქი ორლანდო ნბა-ს ყველა ვარსკვლავის მატჩს უმასპინძლებს. ეს არის რიგით 61-ე ოლ სტარი და მასში ტრადიციულად აღმოსავლეთის და დასავლეთის 12-12 ვასრკვლავი მიიღებს მონაწილეობას. ვარსკვლავთა მატჩისთვის სასტარტო ხუთეულები გულშემატკივართა გამოკითხვით დგება, 7-7 სათადარიგოს კი რამდენიმე დღის შემდეგ ნბა-ს გუნდების მწვრთნელები აკომპლექტებენ. გულშემატკივართა გამოკითხვა დასრულებლია და უკვე ცნოვილია, რომელი 10 მოთამაშე დაიწყებს ამ პრესტიჟულ შოუ-თამაშს.

თურქეთის ქალაქ ანთალიაში საწვრთნელ შეკრებაზე მყოფმა რუსთავის „მეტალურგმა" მესამე ამხანაგური შეხვედრა გამართა და პირველად გაიმარჯვა. მოლდოვურ „შერიფთან" 0:0 ფრის და ყაზახურ „ასტანასთან" 0:1 წაგების შემდეგ რუსთავულმა კლუბმა რუმინეთის უმაღლესი ლიგის წარმომადგენელი „სპორტული" 2:1 დაამარცხა. ასევე თურქეთში მყოფმა გორის „დილამ" კი სხვა რუმინულ გუნდ „პეტროლულთან" მინიმალური სხვაობით 0:1 წააგო.

ზაზა ფაჩულიას „ატლანტა ჰოქსი" 2 თებერვალს შინ 77:96 დამარცხდა დასავლელ „მემფის გრიზლიზთან". ეს შედეგი რამდენამდე მოულოდნელი იყო, რადგან „ატლანტა" შინ ტრადიციულად კარგად თამაშობს, ამ სეზონში საკუთარ არენაზე 9 თამაშიდან 8 მოეგო, „მემფისს" კი ჯორჯიაში ბოლოს ექვსი წლის წინ ემარჯვა, მაგრამ ახლა ყველაფერი სხვაგვარად მოხდა. სტუმრებმა საიმედო დაცვის წყალობით შეზღუდეს მასპინძლები და მატჩის დასრულებამდე კარგა ხნით ადრე მოიპოვეს გადამწყვეტი უპირატესობა.

იტალიურმა საკალათბურთო კლუბმა „ბენეტ კანტუმ" ევროლიგაში მნიშვნელოვანი გამაჯვება მოიპოვა და მისმა ქართველმა მოთამაშეებმა ამ გამარჯვებაში დიდი წვლილი შეიტანეს. მეორე ჯგუფური ეტაპის მესამე ტურში „კანტუმ" შინ 82:74 დაამარცხა თელ ავივის „მაკაბი", მანუჩარ მარკოიშვილის და გიორგი შერმადინმა კი ჯამში 24 ქულა, 12 მოხსნა, 3 პასი, 5 ჩაჭრა და 2 დაფარება მოაგროვეს. სამ ტურში ორი მოგებით იტალიური კლუბი H ჯგუფში მეორე ადგილზე დამკვიდრდა „ბარსელონას" ზუსგსუკან.