ლევან ყიფიანი

საკონტაქტო რეკვიზიტები:

ელ.ფოსტა: l.kipiani@msy.gov.ge
მისაღების ტელ: 032 2 23 02 03
ფაქსი: 032 2 29 20 49

ლევან ყიფიანი დაიბადა 1971 წლის 6 სექტემბერს

1988-1993 წწ. სწავლობდა თბილისის სახელმწიფო უნივერსიტეტში, სამართალმცოდნეობის ფაკულტეტზე; სპეციალობა -  იურისტი 
ჰყავს მეუღლე და ორი შვილი
ენები: ქართული, რუსული, ინგლისური.

სამუშაო გამოცდილება

2012 - საზოგადოებრივი მოძრაობა «ქართული ოცნების» სპორტის თემატური ჯგუფის ხელმძღვანელი;
2010 - საქართველოს სპორტული არბიტრაჟი; დამფუძნებელი;
2008 - კავშირი «ჩვენი ფეხბურთი», დამფუძნებელი;
2002-2005 - საფეხბურთო კლუბი «ლოკომოტივი» თბილისი; გენერალური მენეჯერი, მმართველი დირექტორი. დ. ყიფიანის სახელობის თასის მფლობელი (2005);
2005 - საქართველოს ფეხბურთის ფედერაცია, გამგეობის წევრი
2005 - საქართველოს პროფესიული საფეხბურთო ლიგა, დირექტორთა საბჭოს წევრი;
2001 - დავით ყიფიანის საერთაშორისო ფონდი - პრეზიდენტი;
1999 - 2000 საქართველოს ფუტსალის ეროვნული ნაკრები - მწვრთნელი;
1999 - ბავშვთა და ჭაბუკთა საფეხბურთო ლიგა; პროექტის ავტორი;
1998 - საქართველოს მინი-ფეხბურთის (ფუტსალის) ასოციაცია; დაფუძნებელი;
1997 - 2001 საქართველოს ფეხბურთის ფედერაცია, ბავშვთა და ჭაბუკთა ფეხბურთის კომიტეტის თავმჯდომარე;               
1997 - საერთაშორისო საქველმოქმედო ფონდი «ფეხბურთი ბავშვებს», ვიცე-პრეზიდენტი;
1997 - საფეხბურთო სკოლა «ირაო», დამფუძნებელი;
1996 - 1997 №35 საფეხბურთო სკოლა, თბილისი -  მწვრთნელი;
1996 - 1997 საქართველოს ფეხბურთის ფედერაცია, UEFA-ს B კატეგორიის მწვრთნელი.
 
სპორტული გამოცდილება

1993 -1995  სკ «დინამო» თბილისი;
                  საქართველოს ჩემპიონი, საქართველოს თასის მფლობელი;
1992 -1993  სკ «ვორმაცია», გერმანია;
1990 -1992  სკ შევარდენი-1906» თბილისი
                  «1990-1991 სეზონის საუკეთესო გოლის» პრიზის მფლობელი
1988 - 1990 სკ «დინამო» თბილისი;
                  სსრკ ჩემპიონატი (დუბლები)
1987  -        სსრკ ხალხთა სპარტაკიადა, საქართველოს (ახალგაზრდული) ნაკრები ფეხბურთში (III ადგილი).

მინისტრის კომპეტენცია

ა) ხელმძღვანელობს სამინისტროს, წარმართავს მის საქ­მიანობას და წყვეტს სამინისტროს გამგებლობის სფეროს მი­კუთვნებულ საკითხებს;

ბ) პასუხისმგებელია საქართველოს კონსტიტუციის, კანო­ნების, საქართველოს პრეზიდენტის ბრძანებულებებისა და გან­კარგულებების, საქართველოს მთავრობის დადგენილებებისა და განკარგულებების შესრულებისათვის;

გ) ზედამხედველობს და თვალყურს ადევნებს სამი­ნის­ტროს სტრუქტურული ერთეულებისა და სამინისტროს მმართ­ველობის სფეროში შემავალი სახელმწიფო საქვეუწყებო და­წესებულებებისა და საჯარო სამართლის იურიდიული პირების მიერ თავიანთ მოვალეობათა შესრულებას, მათი საქმიანობის კანონიერებასა და მიზანშეწონილობას; კანონით დადგენილი წესით ახორციელებს სამინისტროს საჯარო მოსამსახურეთა გადაწყვეტილებებისა და საქმიანობის სამსახურებრივ ზედა­მხედ­ველობას;

დ) კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს სამინისტროს საშტატო ნუსხით გათვალისწინებულ საჯარო მოსამსახურეებს, მმართველობის სფეროში შემავალი საჯარო სამართლის იური­დიული პირების ხელმძღვანელებს;

ე) შესაბამის საკონკურსო-საატესტაციო კომისიასთან შე­თან­ხმებით ადგენს საკონკურსო და საატესტაციო მოთხოვნებს სამინისტროს მოხელეებისადმი; ამტკიცებს სამინისტროს სის­ტემაში სტაჟირების გავლის წესს;

ვ) დადგენილი წესით საქართველოს მთავრობას განსა­ხილ­ველად წარუდგენს ნორმატიული აქტების პროექტებს;

ზ) დადგენილი წესით წყვეტს სამინისტროს თანამშრო­მელთა პრემირებისა და მატერიალური დახმარების საკითხებს;

თ) საქართველოს პრემიერ-მინისტრს წარუდგენს წინა­დადებებს სამინისტროს წლიური ბიუჯეტის შემოსავლისა და გასავლის საკითხების შესახებ და, საჭიროების შემთხვევაში, დამატებითი ბიუჯეტის პროექტის შესახებ; იღებს გადაწყვე­ტილებებს საბიუჯეტო სახსრების მიზნობრივი გამოყენების შესახებ და პასუხისმგებელია ბიუჯეტის ზუსტად შესრულები­სათვის;

ი) სახელმწიფო ბიუჯეტის შესაბამისად ამტკიცებს სა­მინისტროს მმართველობის სფეროში შემავალ სახელმწიფო საქვეუწყებო დაწესებულებათა ხარჯთა ნუსხებს, ახორციელებს მათი შესრულების კონტროლს და, საჭიროების შემთხვევაში, იძლევა მითითებებს საბიუჯეტო სახსრების გამოყენების შე­სახებ;

კ)  კანონმდებლობით დადგენილი წესით ადგენს და ამტ­კი­ცებს სამინისტროს მმართველობის სფეროში შემავალ სა­ხელმწიფო საქვეუწყებო დაწესებულებათა სტრუქტურასა და საქმიანობის წესს, გარდა იმ შემთხვევებისა, როცა ისინი დად­გენილია მინისტრის ბრძანების ზემდგომი სამართლებრივი აქ­ტებით;

ლ) ამტკიცებს სტრუქტურული ერთეულების დებულე­ბებს, სამინისტროში მიმდინარე ადმინისტრაციულ წარმოებაში სამინისტროს სტრუქტურული ერთეულების მონაწილეობის წესებს და განსაზღვრავს მათ უფლება-მოვალეობებს;

მ) ძალადაკარგულად ცნობს პირველი მოადგილის, მოად­გილეებისა და სამინისტროს თანამდებობის პირების, სამი­ნისტროს სახელმწიფო საქვეუწყებო დაწესებულებათა ხელმძღ­ვანელების, აფხაზეთისა და აჭარის ავტონომიური რესპუბ­ლიკების შესაბამისი სამინისტროების ხელმძღვანელთა იმ აქტებსა და მოქმედებებს, რომლებიც არ შეესაბამება სა­ქართ­ველოს კონსტიტუციას, სხვა კანონებს, საქართველოს პრეზი­დენტის ბრძანებულებებსა და განკარგულებებს, მინისტრის ბრძანებებს;

ნ) კანონის საფუძველზე და მის შესასრულებლად გამოს­ცემს ბრძანებებს და პასუხისმგებელია ბრძანებათა კანონიე­რებისა და მიზანშეწონილობისათვის;

ო) სამსახურებრივი ზედამხედველობის განხორციელები­სას გამოსცემს ინდივიდუალურ-სამართლებრივ აქტებს;

პ) უფლებამოსილია, სამინისტროს თანამდებობის პირთა და მოხელეთა მოქმედების სამსახურებრივი ზედამხედველობა დააკისროს პირველ მოადგილეს;

ჟ) ასრულებს მისთვის საქართველოს კანონებით, საქართ­ველოს პრეზიდენტის ბრძანებულებებითა და განკარგულებებით დაკისრებულ სხვა ამოცანებს.

მინისტრის უფლებამოსილება წყდება კანონმდებლობით დადგე­ნი­ლი წესით.