27 ივლისს სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ და  სპორტისა და ახალგაზრდობის საქმეთა მინისტრმა ლადო ვარძელაშვილმა  ქალთა და არასრულწლოვანთა დაწესებულებაში მყოფ არასრულწლოვან ბრალდებულებს სპორტული ინვენტარი  გადასცეს.

24 ივლისს, სპორტისა და ახალგაზრდობის საქმეთა მინისტრი ლადო ვარძელაშვილი და საქართველოს ეროვნული ოლიმპიური კომიტეტის პრეზიდენტი გია ნაცვლიშვილი დუშეთს ესტუმრნენ და ოლიმპიურ ბაზაზე მყოფ თავისუფალი და ბერძნულ-რომაული სტილით მოჭიდავეებს შეხვდნენ. ზაზა თურმანიძისა და ბეგი დარჩიას გუნდები 6-12 სექტემბერს, მოსკოვი ჩასატარებელი მსოფლიოს ჩემპიონატისთვის ემზადებიან.  

ერთ-ერთ ქართულ ვებ-გვერდზე გავრცელებულ ინფორმაციას საქართველოს ძიუდოს ფედერაციის პრეზიდენტის - დილარ ხაბულიანის მხრიდან პოსტის დატოვების შესახებ, საქართველოს სპორტისა და ახალგაზრდობის საქმეთა მინისტრის მოადგილე - დავით ნამგალაური გამოეხმაურა. ნამგალაურის განცხადებით, ძიუდოს მსოფლიოს ჩემპიონატამდე რაიმე სახის ცვლილება ძიუდოს ფედერაციაში მოსალოდნელი არაა.

საქართველოს სპორტისა და ახალგაზრდობის საქმეთა მინისტრი - ლადო ვარძელაშვილი ანაკლიის პატრიოტთა ბანაკში იმყოფება. მინისტრი რამდენიმე მოადგილესთან ერთად ანაკლიაში 17 ივლისს ჩავიდა, სადაც ქართველ პატრიოტებთან ერთად ბელარუსი და სომეხი ახალგაზრდებიც ისვენებენ. ვარძელა შვილი 17 ივლისს ბელარუსი ახალგაზრდების კონცერტს დაესწრო, 18 ივლისს კი მინისტრმა ანაკლიის ბანაკის სტუდენტებთან ერთად ბათუმი მოინახულა. 

სპორტისა და ახალგაზრდობის საქმეთა მინისტრი ლადო ვარძელაშვილი 17 ივლისს გეზს აჭარის რეგიონისაკენ აიღებს. ვარძელაშვილი შაბათ-კვირას ანაკლიის პატრიოტულ ბანაკს მოინახულებს და 2 დღეს ბანაკის ახალგაზრდებთან ერთად გაატარებს. მინისტრი პატრიოტულ ბანაკში სხვადასხვა ღონისძიებში მიიღებს მონაწილეობას. ვიზიტის ფარგლებში ვარძელაშვილი პატრიოტებთან ერთდ განახლებულ ბათუმს დაათვალიერებს.

სპორტისა და ახალგაზრდობის საქმეთა მინისტრმა ლადო ვარძელაშვილმა ქვემო ქართლის გუბერნატორ დავით კირკიტაძესთან ერთად მარნეულში მშენებარე სპორტული კომპლექსი დაათვალიერა. ახალი დარბაზი მრავალპროფილიანია და შესაძლებელია კალათბურთის, ჭიდაობისა და ფრენბურთის ტურნირებს უმასპინძლოს. სპორტულ კომპლექსს მინი-ფეხბურთის მოედანი, საცურაო აუზი და ჩოგბურთის კორტიც აქვს.

სპორტისა და ახალგაზრდობის საქმეთა მინისტრი - ლადო ვარძელაშვილი 15 ივლისს გლდანის ოლიმპიური რეზერვების ცენტრს ეწვია და შეკრებაზე მყოფი ძალოსნები და ახალგაზრდა მოჭიდავეები მოინახულა. ვარძელაშვილს ოლიმპიური რეზერვების ცენტრში პირველი მოადგილე - დავით ნამგალაური და სამინისტროს წარმომადგნელები ახლდნენ. მინისტრს ძალოსნობის ფედერაციის პრეზიდენტი  დავით ბეჟუაშვილი და ოლიმპიური ჩემპიონი გიორგი ასანიძე დახვდნენ. 

საქართველოს რაგბის კავშირის გადაწყვეტილებით, რაგბის ეროვნული ნაკრების მწვრთნელი - ტიმ ლეინი თანამდებობიდან გათავისუფლდა და მის მაგივრად რიჩი დიქსონი დაინიშნა. ეს გადაწყვეტილება რაგბის კავშირის პრეზიდენტმა – გია ნიჟარაძემ პრესკონფერენციაზე გაახმაურა. ცვლილებასთან დაკავშირებით კომენტარი სპორტის და ახალგაზრდობის საქმეთა მინისტრმა ლადო ვარძელაშვილმა გააკეთა.

13 ივლისს სპორტისა და ახალგაზრდობის საქმეთა მინისტრი - ლადო ვარძელაშვილი სამინისტროში  საქართველოს ძიუდოს, სამბოს, ჩოგბურთის, მშვილდოსნობისა და ტანვარჯიშის ფედერაციების ხელმძღვანელებსა და წარმომადგენლებს ხვდება. განსაკუთრებით მნიშვნელოვანი ძიუდოს ფედერაციის წარმომადგენლებთან შეხვედრა იყო, რადგანაც ძიუდოს ეროვნული ნაკრები სექტემბერში, იაპონიის დედაქალაქ ტოკიოში გასამართი მსოფლიოს ჩემპიონატისთვის ემზადება.  

12 ივლისს სპორტისა და ახალგაზრდობის საქმეთა მინისტრი - ვლადიმერ ვარძელაშვილი, სამინისტროს სააქტო დარბაზში სპორტულ ფედერაციათა ხელმძღვანელ პირებს შეხვდა. შეხვედრას, რომელსაც 70-მდე ფედერაციის თავკაცი ესწრებოდა, გაცნობით ხასიათს ატარებდა. მინისტრმა ფედერაციებთან სამუშაო შეხვედრები დაგეგმა და მათ სამოვავლოდ აქტიური თანამშრომლობისაკენ მოუწოდა.