26 ივლისს, ბუდაპეშტში გაიმართა საქართველოს სპორტისა და ახალგაზრდობის საქმეთა მინისტრის მოადგილის შალვა გოგოლაძისა და საქართველოს საწყლოსნო სახეობათა ფედერაციის პრეზიდენტის დავით რურუას შეხვედრა სპორტის საკითხებში უნგრეთის სახელმწიფო მინისტრთან ტუნდე საბოსთან.  

27 ივლისს  სპორტისა და ახალგაზრდობის საქმეთა სამინისტროს ეწვია ევროპის საბჭოს სპორტული კონვენციების დეპარტამენტის წარმომადგენელი, იურისტი,  ექსპერტი სპორტის საკითხებში, პროექტ „სპორტი დანაშაულის გარეშე" კოორდინატორი კასანდრა ფერნანდესი.  

17 ივლისს ზუგდიდის მუნიციპალიტეტის სოფელ რიყეში ძალოსნობის ახალი, რეაბილიტირებული დარბაზი გაიხსნა.

13 ივლისს, სპორტულ კომპლექს "არენა 1-ში" გაიმართა ტაეკვონდოს კორეელი სპეციალისტების თეორიული და პრაქტიკული სემინარი, რომელსაც კორეელი მწვრთნელები ქართველი სპორტსმენებისთვის ატარებენ. ღონისძიებას დაესწრო სპორტისა და ახალგაზრდობის საქმეთა მინისტრი ტარიელ ხეჩიკაშვილი და მინისტრის მოადგილე შალვა გოგოლაძე.  

7 ივლისს, თბილისის ოლიმპიურ სასახლეში სპორტულ ჟურნალისტთა ტრადიციული მედია- ფესტივალი - ბაჩოს თასი 2017 გაიმართა. "ბაჩოს თასი 2017" მინი-ფეხბურთსა და 3/3-ზე კალათბურთში ჩატარდა, ტურნირში მონაწილეობა სხვადასხვა გუნდებში გადანაწილებულმა სპორტულმა ჟურნალისტებმა და ბაჩო სვანიძის მეგობრებმა მიიღეს.

6 ივლისს, სამინისტროში, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა, მინისტრის პირველმა მოადგილემ აკაკი ლოდიამ, მინისტრის მოადგილემ შალვა გოგოლაძემ და სპორტის პოლიტიკისა და მართვის დეპარტამენტის უფროსმა ირაკლი დოლაბერიძემ უმასპინძლეს მსოფლიოს ჩემპიონატიდან დაბრუნებულ კონტაქტური კარატეს ეროვნულ ნაკრებს, რომელმაც მსოფლიოს პირველობაზე ისტორიული შედეგი აჩვენა  - ანდრეი ზინჩენკომ (65 კგ) ვერცხლის და მიხეილ წიკლაურმა (75 კგ) ბრინჯაოს მედალი მოიპოვა.   

5 ივლისს, ოლიმპიურ სასახლეში გაიმართა ევროპის ჩემპიონატიდან დაბრუნებული მოჭიდავეთა ახალგაზრდული ნაკრებების მიღება. ევროპირველობაზე წარმატებით გამოსულ მოჭიდავეებს და ჭიდაობის ფედერაციის ხელმძღვანელობას სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და მინისტრის მოადგილემ შალვა გოგოლაძემ უმასპინძლეს.   

"ზედაზენის" ოფისის ეზოში საგანგებოდ მოწყობილ სივრცეში, მინისტრს, ძიუდოს ფედერაციისა და სამინისტროს წარმომადგენლებს, სპორტსმენებსა და მწვრთნელებს კომპანიის დამფუძნებელმა ცეზარ ჩოჩელმა უმასპინძლა.

თბილისის საჯარო ბიბლიოთეკაში,საქართველოს საგარეო საქმეთა სამინისტროს ორგანიზებით,განსაკუთრებული ღვაწლის მქონე დიასპორის წარმომადგენლების დაჯილდოების პირველი ოფიციალური ცერემონია გაიმართა. 

30 ივნისს,"ივენთ ჰოლში" გაიმართა ქართული წყალბურთის 90 წლის იუბილესთან დაკავშირებით გადაღებული ფილმის ჩვენება - "ქართული წყალბურთის ისტორია" , რომელსაც სპორტისა და ახალგაზრდობის საქმეთა მინისტრი ტარიელ ხეჩიკაშვილი, პირველ მოადგილესთან აკაკი ლოდიასთან და მოადგილესთან რევაზ ჯაველიძესთან ერთად დაესწრო.