22 ივნისს, „ბავშვთა და ახალგაზრდობის ეროვნულ ცენტრში" საფესტივალო ფილმების ჩვენება გაიმართა.  ფესტივალის პირველი დღე სპორტის თემატიკაზე შექმნილ ქართული კინოს 3 ლეგენდარულ ნამუშევარს დაეთმო. სწორედ ძველი ქართული მხატვრული ფილმების („ფეოლა", „ბურთი და მოედანი", „პირველი მერცხალი")  ჩვენებით გაიხსნა ღონისძიება, რომელსაც ესწრებოდა სპორტისა და ახალგაზრდობის საქმეთა მინისტრი ტარიელ ხეჩიკაშვილი.      

სპორტისა და ახალგაზრდობის საქმეთა მინისტრი ტარიელ ხეჩიკაშვილი და სასჯელაღსრულებისა და პრობაციის მინისტრი კახა კახიშვილი  N16 დაბალი რისკის პენიტენციურ დაწესებულებაში კალათბურთელებსა და მსჯავრდებულებს შორის გამართულ ამხანაგურ მატჩს დაესწრნენ.

20 ივნისს სასტუმრო „რუმსში"   გაიმართა სპორტული ტელეკომპანიის  "Setanta Sports Georgia" პრესკონფერენცია, რომელსაც  "Setanta Sports Eurasia-ს"  გენერალური დირექტორი დუაირ  მაკოლი, დამფუძნებლები, სპორტისა და ახალგაზრდობის საქმეთა მინისტრი და ფედერაციის წარმომადგენლები ესწრებოდნენ.     

20 ივნისს სასტუმრო „ბილტმორში" საქართველოს ფარიკაობის ფედერაციამ თბილისში დასრულებული ევროპის ჩემპიონატი შეაჯამა.   

19 ივნისს, შიდა ქართლში კონფლიქტისპირა სოფელ ერგნეთში ფეხბურთის ფედერაციამ 19-წლამდელ ფეხბურთელთა ევროპის ჩემპიონატის თასი ჩაიტანა - ევროპირველობას 2-15 ივლისს საქართველო მასპინძლობს.   

19 ივნისს, სპორტისა და ახალგაზრდობის საქმეთა მინისტრი ტარიელ ხეჩიკაშვილი, პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი და ფეხბურთის ფედერაციის პრეზიდენტი ლევან კობიაშვილი გორს ესტუმრნენ და "თენგიზ ბურჯანაძის" სახელობის სტადიონზე მიმდინარე სარემონტო სამუშაოებს ადგილობრივი ხელისუფლების წარმომადგენლებთან ერთად გაეცნენ - გორის სტადიონი 19-წლამდელ ფეხბურთელთა ევროპის ჩემპიონატის სამასპინძლოდ ემზადება.   

17 ივნისს, სასტუმრო "რუმსში" საქართველოს რაგბის კავშირსა და საფრანგეთის რაგბის კავშირს შორის ურთიერთთანამშრომლობის მემორანდუმი გაფორმდა. მემორანდუმს ხელი საქართველოს რაგბის კავშირის პრეზიდენტმა გოჩა სვანიძემ და  საფრანგეთის რაგბის კავშირის ვიცე პრეზიდენტმა პასკალ პაპემ მოაწერეს. ღონისძიებას ესწრებოდა სპორტისა და ახალგაზრდობის საქმეთა მინისტრი ტარიელ ხეჩიკაშვილი და მინისტრის მოადგილე რევაზ ჯაველიძე.    

მსოფლიო რაგბის 20-წლამდელთა ჩემპიონატის ფინალისთვის მიხეილ მესხის სტადიონზე ყველაფერი მზადაა. მსოფლიო რაგბის წარმომადგენლები სპორტისა და ახალგაზრდობის საქმეთა მინისტრთან და რაგბის კავშირის პრეზიდენტთან ერთად შეხვდნენ ჩემპიონატის საორგანიზაციო ჯგუფის წევრებს.     

16 ივნისს, საფრანგეთის რეზიდენციაში (#ჭანტურიას 5) გაიმართა საქართველოში საფრანგეთის ელჩის პასკალ მენიეს მიღება, რომელიც დაკავშირებული იყო მსოფლიო რაგბის 20-წლამდელთა ჩემპიონატისა და ფარიკაობაში ევროპის ჩემპიონატის თბილისში ჩატარებასთან დაკავშირებით და ამ ორ საერთაშორისო ღონისძიებაში მონაწილე ფრანგი სპორტსმენების საპატივსაცემოდ.   

საქართველოს მოფარიკავეთა ნაკრებმა ევროპის ჩემპიონატზე მეორე მედალი მოიპოვა - თეოდორა კახიანის ოქროს, დღეს რიოს ოლიმპიური თამაშების მონაწილემ და საქართველოს ნაკრების ლიდერმა სანდრო ბაზაძემ ბრინჯაოს მედალი მიუმატა.