სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
            01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30            

რაგბის ახალგაზრდული მსოფლიო თასისთვის სავარჯიშო მოედნები შერჩეულია

თარიღი: 2017 თებერვალი 14



14 თებერვალს სპორტისა და ახალგაზრდობის საქმეთა სამინისტროში ურთიერთთანამშრომლობის  მემორანდული გაფორმდა 2017 წელს ახალგაზრდებს შორის საქართველოში გასამართი რაგბის მსოფლიო თასის ინფრასტრუქტურით უზრუნველყოფის შესახებ.

მემორანდუმს ხელი მოაწერეს სპორტისა და ახალგაზრდობის საქმეტა მინისტრმა ტარიელ ხეჩიკაშვილმა, საქართველოს რაგბის კავშირის პრეზიდენტმა გოჩა სვანიძემ, ფეხბურთის ფედერაციის ვიცე-პრეზიდენტმა კახა ჭუმბურიძემ, საფეხბურთო კლუბ „ზესტაფონის" გენერალურმა დირექტორმა კორნელი კოკაიამ, „ოლიმპიკის" დირექტორმა კარლო მჭედლიძემ და თენგიზ სულაქველიძის საფეხბურთო აკადემია"-ს ვიცე-პრეზიდენტმა თენგიზ სულაქველიძემ.

„აღნიშნული ბაზები უკვე მოინახულეს მსოფლიო რაგბის საერთაშორისო ექპერტებმა. მათ დაადასტურეს, რომ არსებული მოედნები ყველა იმ სტანდარტს აკმაყოფილებს,  რაც აუცილებელია მსგავსი ჩემპიონატის მასპინძლობისთვის." - განაცხადა ტარიელ ხეჩიკაშვილმა დღეს, ჟურნალისტებთან გამართულ შეხვედრაზე.

მემორანდუმის ფარგლებში, მხარეები გამოხატავენ ნებას, ხელი შეუწყონ 2017 წლის 30 მაისიდან 2017 წლის 19 ივნისის ჩათვლით, საქართველოში გასამართ, რაგბში მსოფლიო ახალგაზრდული ჩემპიონატის მაღალ დონეზე ორგანიზებისა და ჩატარებისათვის შესაბამისი ხელშემწყობი ღონისძიებების განხორციელებას. 

კერძოდ, საქართველოს ფეხბურთის ფედერაცია, შპს „საფეხბურთო კლუბი ზესტაფონი", შპს „ოლიმპიკი" და შპს „თენგიზ სულაქველიძის საფეხბურთო აკადემია" უზრუნველყოფენ მათ საკუთრებაში/სარგებლობაში არსებული სათამაშო მოედნების კავშირისთვის იჯარით გადაცემას. ამ მოედნებს  ჩემპიონატის მონაწილე გუნდები საწრთვნელ/საშეჯიბრო პროცესის დროს გამოიყენებენ.

თავის მხრივ, სამინისტრო კომპეტენციის ფარგლებში ხელს შეუწყობს ორგანიზაციების თანამშრომლობას რაგბის კავშირთან. ორგანიზაციების მიერ კავშირისთვის უძრავის ქონებების გადაცემასთან დაკავშირებული კონკრეტული პირობები განისაზღვრება ამ ორგანიზაციებსა და კავშირს შორს ინდივიდუალურად გაფორმებული ხელშეკრულებების საფუძველზე.

ტარიელ ხეჩიკაშვილი: „აღნიშნული ბაზები უკვე მოინახულეს მსოფლიო რაგბის საერთაშორისო ექსპერტებმა და მეგობრებმა და დაადასტურეს, რომ ბაზები ყველა სტანდარტს აკმაყოფილებს რაც აუცილებელია მსგავსი ჩემპიონატის მასპინძლობისთვის. შესაბამისად, კერძო სექტორთან და ფედერაციებთან ერთან ნაყოფიერად ვთანამშრომლობთ, უკვე შეგვიძლია ჩვენს უცხოელ პარტნიორებთან ერთად დავგეგმოთ თუ რომელ სასტუმროში განთავსდებიან სპორტული დელეგაციები. ახლა, სხვადასხვა მნიშვნელოვან საორგანიზაციო საკითხებს გადავდივართ და მუშაობის ახალ ეტაპზე გადავდივართ.

მსურს დიდი მადლობა გადავუხადო თანამშრომლობისთვის ფეხბურთის ფედერაციის ხელმძღვანელობას და კერძო სექტორის წარმომადგენლებს. ვფიქრობ, რომ ასეთი ერთიანობით არაერთი საერთაშორისო შეჯიბრის მაღალ დონეზე მასპინძლობას შევძლებთ. მსურს ასევე განმარტება გავაკეთო იმ პროექტის შესახებ, რომელიც მომავალში აუცილებლად განხორციელდება და ოცი ახალი სტადიონი აუცილებლად აშენდება, პირველ ეტაპზე 10, ხოლო შემდეგ მომდევნო 10 მოედანი შეემატება ჩვენს ინფრასტრუქტურას.

კერძო სექტორის წარმომადგენლები და ყველა ის ადამიანი, ვისაც აქვს სურვილი ქართული სპორტული ინფრასტრუქტურის განვითარებაში მიიღოს მონაწილეობა, ამომწურავ ინფორმაციას უახლოეს დღეებში მიიღებს."

გოჩა სვანიძე : „პროცესები ისე ვითარდება, როგორც უნდა განვითარდეს. წინ ჯერ კიდევ ბევრი სამუშაო გველის ყველას ერთად. მსოფლიო თასის საორგანიზაციო ჯგუფიც მალე მიიღებს საბოლოო სახეს, საერთო საქმეში არაერთი უწყების წარმომადგენლები ჩაერთვებიან იმისათვის, რომ მაქსიმალურად ეფექტური შედეგი მივიღოთ."

კახა ჭუმბურიძე: „ფეხბურთის ფედერაცია მზად არის ჩვენს მეგობრებს და რაგბის კავშირს ყველანაირად დავეხმაროთ ჩვენი რესურსების გამოყენებით და მაქსიმუმი გავაკეთოთ იმისათვის, რომ ძალიან მაღალ დონეზე ჩავატაროთ უმაღლესი დონის საერთაშორისო ტურნირები საქართველოში."

კორნელი კოკაია: „ეს არის ალბათ უნიკალური შემთხვევა საქართველოში და ძალიან სასიამოვნო ფაქტი, რომ ერთმანეთს გვერდში უდგას ორი პოპულარული სპორტის -  რაგბისა და ფეხბურთის წარმომადგენლები. ერთობლივი მუშაობით მინდვრების პრობლემასაც უმოკლეს ხანში მოვაგვარებთ."

თენგიზ სულაქველიძე : „ძალიან სასიხარული ფაქტია, რომ საფეხბურთო ოჯახის წევრები ამ პროცესში ვიღებთ მონაწილეობას. თენგიზ სულაქველიძის აკადემია, „კარლო მჭედლიძის სკოლა" და საფეხბურთო კლუბი „ზესტაფონი" მზად ვართ დავეხმაროთ რაგბის კავშირს, რათა გავერთიანდეთ და მაღალ დონეზე ჩავატაროთ ეს დიდი საერთაშორისო ტურნირი."

კარლო მჭედლიძე: „ძალიან გახარებულები ვართ, რომ ასეთი გაერთიანება მოხდა ჩვენს შორის. რა თქმა უნდა, უმნიშვნელოვანესია სპორტისა და ახალგაზრდობის საქმეთა სამინისტროსა და ფეხბურთის ფედერაციის ჩართულობა."

ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.