სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
            01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30            

11-17 ივნისს თბილისი ფარიკაობაში ევროპის ჩემპიონატს და კონგრესს უმასპინძლებს

თარიღი: 2017 მარტი 16



2017 წელს თბილისი ფარიკაობაში ევროპის ჩემპიონატს მასპინძლობს. ტურნირი 11-17 ივნისს ახალი თბილისის ტერიტორიაზე მდებარე ოლიმპიური პარკის სპორტულ კომპლექსში გაიმართება. აღსანიშნავია, რომ ჩემპიონატის ფარგლებში ასევე ჩატარდება ევროპის ფარიკაობის კონფედერაციის კონგრესი, რომელიც 11 ივნისსაა დაგეგმილი.

ევროპის ჩემპიონატისთვის მოსამზადებელი სამუშაოები უკვე მიმდინარეობს. სპორტისა და ახალგაზრდობის საქმეთა მინისტრი ტარიელ ხეჩიკაშვილი, მოადგილე შალვა გოგოლაძესთან ერთად ევროპის ფარიკაობის კონფედერაციის პრეზიდენტს, მრავალგზის ოლიმპიურ და მსოფლიოს ჩემპიონს სტანისლავ პოზდნიაკოვს შეხვდა.

შეხვედრას ასევე დაესწრნენ ევროპის კონფედერაციის გენერალური მდივანი მაქს გოიტერი და საქართველოს ფარიკაობის ფედერაციის ხელმძღვანელები - პრეზიდენტი ზაზა მჭედლიძე და გენერალური მდივანი, ევროპის ჩემპიონატის საორგანიზაციო კომიტეტის თავმჯდომარე დავით სახვაძე.

ჯამში, ევროპის ჩემპიონატი 6 დღის მანძილზე გასტანს და მასში მონაწილეობის მისაღებად თბილისში ევროპის 45-მდე ქვეყნის 400-მდე მონაწილეს ელოდებიან.

საქართველოს მოფარიკავეთა ნაკრები ევროპის ჩემპიონატზე 24 სპორტსმენით წარსდგება. ევროპის ჩემპიონატზე მედლები მამაკაცთა და ქალთა შორის როგორც ინდივიდუალუარ, ასევე გუნდურ სახეობებში გათამაშდება - დაშნაში, ხმალსა და რაპირაში.

აღსანიშნავია ასევე, რომ დღეს 80 წელი შეუსრულდა სახელოვან ვეტერან მოფარიკავეს, მსოფლიოს ჩემპიონს რაპირით ფარიკაობაში, მრავალი საერთაშორისო ტურნირის გამარჯვებულსა და პრიზიორს, სართაშორისო მსაჯს, საქართველოს ფარიკაობის ფედერაციის საპატიო პრეზიდენტს  - იური ოსიპოვს.

იური ოსიპოვი სპორტისა და ახალგაზრდობის საქმეთა სამინისტროს წარდგინებით, საიუბილეო თარიღთან დაკავშირებით ღირსების ორდენით დაჯილდოვდა.

ტარიელ ხეჩიკაშვილი (საქართველოს სპორტისა და ახალგაზრდობის საქმეთა მინისტრი): "ევროპის კონფედერაციის ხელმძღვანელობასთან ერთად განვიხილეთ ევროპის ჩემპიონატის საორგანიზაციო საკითხები. მათ კმაყოფილება გამოთქვეს გაწეული სამუშაოების გამო და ისევე როგორც ჩვენ, თავადაც დარწმუნებული არიან, რომ ევროპის ჩემპიონატს უმაღლეს დონეზე ვუმასპინძლებთ. რა თქმა უნდა, ძალზე მნიშვნელოვანია ევროპელი პარტნიორების მხრიდან ნდობა. როგორც ცნობილია, შარშან მსოფლიო თასს ვუმასპინძლეთ, წელს უკვე ევროპის ჩემპიონატი გვაქვს, ხოლო მომავალ წელს ასევე მსოფლიო თასი გველის.

ეს დიდი აღიარებაა როგორც ქვეყნის, ასევე სამინისტროსა და ფარიკაობის ეროვნული ფედერაციის. ზოგადად ასეთი დონის ტურნირების მასპინძლობა ხელს შეუწყობს ფარიკაობის შემგომ განვითარებას და პოპულარიზაციას საქართველოში. ასევე მსურს მივულოცო სახლოვან ქართველ მოფარიკავეს, იური ოსიპოვს 80 წლის იუბილე. სამინისტროს წარდგინებით, მას საიუბილეო თარიღთან დაკავშირებით ღირსების ორდენი გადაეცა. დარწუმებული ვარ, ქართულ ფარიკაობას დაუბრუნდება ის დიდება, რითაც მთელს მსოფლიოში იყო გამორჩეული."

ზაზა მჭედლიძე (საქართველოს ფარიკაობის ფედერაციის პრეზიდენტი): "დღევანდელი შეხვედრით კმაყოფილი ვარ. მოგეხსენებათ, თბილისში ვმასპინძლობთ ევროპის ფარიკაობის ფედერაციის პრეზიდენტს და გენერალურ მდივანს. მათ დაათვალიერეს ის სპორტული ობიექტები, სადაც ევროპის ჩემპიონატი ჩატარდება, მოინახულეს ასევე ის სასტუმროები, სადაც სპორტსმენები, მწვრთნელები, მსაჯები და დელეგაციის წევრები განთავსდებიან. საერთო ჯამში, კმაყოფილნი არიან ნანახით და ჩვენის მხრიდან, რა თქმა უნდა იმედებს არ გავუცრუებთ და ტურნირს მაღალ დონეზე ჩავატარებთ."

სტანისლავ პოზდნიაკოვი: (ევროპის ფარიკაობის კონფედერაციის პრეზიდენტი): "ჩვენი ვიზიტის მიზანი გახლდათ შეგვემოწმებინა მოსამზადებელი სამუშაოები ევროპის ჩემპიონატისთვის, რომელსაც თბილისი ივნისის თვეში მასპინძლობს. ევროპის ჩემპიონატის ფარგლებში ასევე თბილისში გაიმართება ევროპის კონფედერაციის კონგრესიც. დღვანდელ შეხვედრაზე სპორტისა და ახალგაზრდობის საქმეთა მინისტრთან განვიხილეთ მთელი რიგი საორგანიზაციო საკითხები და ასევე საუბარი გვქონდა ევროპის კონფედერაციასა და საქართველოს ფარიკაობის ფედერაციებს შორის სამომავლო თანამშრომლობასა და ერთობლივი პროექტების განხორციელებაზე. მოხარული ვართ, რომ საქართველოს სახით ძალზე სანდო პარტნიორი გვყავს და ასევე დარწმუნებული ვართ, რომ ევროპის ჩემპიონატის დონით ყველანი კმაყოფილი დავრჩებით."

ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.