სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
      03 04
10 11
18
23 24 25
26 27 28 29 30    

მშვიდობის კორპუსთან თანამშრომლობა გრძელდება (ვიდეო)

თარიღი: 2017 ივნისი 07

7 ივნისს, სამინისტროს მშვიდობის კორპუსიის დელეგაცია ესტუმრა, რომელსაც სპორტისა და ახალგაზრდობის საქმეთა მინისტრი ტარიელ ხეჩიკაშვილი, მინისტრის მოადგილე რევაზ ჯაველიძე და საერთაშორისო ურთიერთობებისა და ევროინტეგრაციის დეპარტამენტის უფროსი მანანა ქავთარაძე შეხვდნენ. შეხვედრაზე ისაუბრეს სამინისტროსა და მშვიდობის კორპუსის თანამშრომლობის შესახებ, ასევე განიხილეს სამომავლოდ ერთობლივად განსახორციელებელი პროექტების დეტალები.

მშვიდობის კორპუსი 1961 წელს მსოფლიოში მშვიდობისა და თანამეგობრობის გაძლიერების მიზნით დაარსდა. საქართველოში "მშვიდობის კორპუსი" 2001 წლიდან მოღვაწეობს და პირველი პროექტი  განათლების სფეროში თანამშრომლობით დაიწყო.

2015 წელს, საქართველოს სპორტისა დ ახალგაზრდობის საქმეთა სამინისტროსა და საქართველოში მშვიდობის კორპუსის წარმომადგენლობას შორის ხელი მოეწერა ურთიერთგაგების მემორანდუმს, რომელიც მიზნად ისახავს ერთობლივი ღონისძიებების განხორციელებას შემდეგი მიმართულებით:

  • ახალგაზრდული საქმიანობისა და ახალგაზრდული პროგრამების ხარისხის გაუმჯობესების მიზნით საერთო გზების მოძიება;
  • საქართველოში მოხალისეობის პროგრამის ხარისხის გაუმჯობესების ხელშეწყობის მიზნით საერთო გზების მოძიება;
  • არაფორმალური განათლების, ჯანდაცვის, გარემოსდაცვითი ცნობიერების ამაღლების, სამოქალაქო პასუხისმგებლობის, თემის განვითარებისა და სხვა მნიშვნელოვან სფეროებში ახალგაზრდების განვითარების წინაშე მდგარი გამოწვევების გამკლავება;
  • ახალგაზრდობის განვითარების პროგრამების შედეგებისა და მდგრადობის წახალისების მიზნით, შესაბამისი ტექნიკური და საგანმანათლებლო რესურსების რეგულარული გაცვლის ხელშეწყობა;
  • ერთობლივი პროგრამების შემუშავება და დაგეგმვა, რომელიც ითვალისწინებს სამინისტროს, მშვიდობის კორპუსის საქართველოსა და მათი შესაბამისი ბენეფიციარების საჭიროებებს, ინტერესებს, შესაძლებლობებსა და რესურსებს;

საქართველოს სპორტისა და ახალგაზრდობის საქმეთა სამინისტრო ზემოხსენებული მემორანდუმის საფუძველზე მჭიდროდ თანამშრომლობს „მშვიდობის კორპუსთან" მოხალისეობის განვითარების პროგრამის - საქართველოს მოხალისის" ფარგლებში. ამერიკელი მოხალისეები აქტიურად თანამშრომლობენ მუნიციპალიტეტებში შერჩეულ „საქართველოს მოხალისეებთან". ყოველწლიურად მონაწილეობენ მოხალისეთა გადამზადების ტრენინგ - სემინარებში, პანელურ დისკუსიაში და უზიარებენ საქართველოს მოხალისეებს მოხალისეობის საერთაშორისო ასპექტებს.

2016 წელს, ჩვენმა სამინისტრომ მონაწილეობა მიიღო მშვიდობის კორპუსის მოკლევადიანი მხარდაჭერის პროგრამაში. აღნიშნული პროგრამა, ითვალისწინებს ქართული სამთავრობო და არასამთავრობო ორგანიზაციებისა და საგანმანათლებლო ინსტიტუტებისთვის მოკლევადიანი მხარდაჭერის მოხალისის მიღებას. ამერიკელი მოხალისე 6-დან 12 თვემდე მუშაობს მიწვეულ ორგანიზაციაში. 2016 წლის სექტემბრის თვიდან 2017 წლის აპრილის ჩათვლით, სამინისტრომ უმასპინძლა მშვიდობის კორპუსის ამერიკელ მოხალისეს (სტივენ ვერნერი) 8 თვიანი მხარდაჭერის პროგრამის ფარგლებში.

მოხალისემ მნიშვნელოვანი წვლილი შეიტანა სამინისტროს ორგანიზაციული მიზნებისა და სტრატეგიის განვითარებაში, სხვადასხვა უნარებზე ორიენტირებული ტრენინგების ჩატარებაში, ინგლისური ენის სწავლებასა და სხვა საკითხებში. ასევე, უზრუნველყო მრავალ დონორ ორგანიზაციასთან შეხვედრა, სამინისტროსთან სამომავლო თანამშრომლობის გაღრმავების მიზნით.

ფოტო - თამუნა ყულუმბეგაშვილი
სამინისტროს პრესსამსახური

 

სხვა ახალი ამბები
კატეგორია : სამინისტროს სიახლეები თარიღი : 2017 ივნისი 22
სპორტისა და ახალგაზრდობის საქმეთა მინისტრი ტარიელ ხეჩიკაშვილი და სასჯელაღსრულებისა და პრობაციის მინისტრი კახა კახიშვილი  N16 დაბალი რისკის პენიტენციურ დაწესებულებაში კალათბურთელებსა და მსჯავრდებულებს შორის გამართულ ამხანაგურ მატჩს დაესწრნენ.
კატეგორია : სამინისტროს სიახლეები თარიღი : 2017 ივნისი 20
20 ივნისს სასტუმრო „რუმსში"   გაიმართა სპორტული ტელეკომპანიის  "Setanta Sports Georgia" პრესკონფერენცია, რომელსაც  "Setanta Sports Eurasia-ს"  გენერალური დირექტორი დუაირ  მაკოლი, დამფუძნებლები, სპორტისა და ახალგაზრდობის საქმეთა მინისტრი და ფედერაციის წარმომადგენლები ესწრებოდნენ.     
კატეგორია : სამინისტროს სიახლეები თარიღი : 2017 ივნისი 20
20 ივნისს სასტუმრო „ბილტმორში" საქართველოს ფარიკაობის ფედერაციამ თბილისში დასრულებული ევროპის ჩემპიონატი შეაჯამა.   
კატეგორია : სამინისტროს სიახლეები თარიღი : 2017 ივნისი 19
19 ივნისს, შიდა ქართლში კონფლიქტისპირა სოფელ ერგნეთში ფეხბურთის ფედერაციამ 19-წლამდელ ფეხბურთელთა ევროპის ჩემპიონატის თასი ჩაიტანა - ევროპირველობას 2-15 ივლისს საქართველო მასპინძლობს.   
კატეგორია : სამინისტროს სიახლეები თარიღი : 2017 ივნისი 19
19 ივნისს, სპორტისა და ახალგაზრდობის საქმეთა მინისტრი ტარიელ ხეჩიკაშვილი, პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი და ფეხბურთის ფედერაციის პრეზიდენტი ლევან კობიაშვილი გორს ესტუმრნენ და "თენგიზ ბურჯანაძის" სახელობის სტადიონზე მიმდინარე სარემონტო სამუშაოებს ადგილობრივი ხელისუფლების წარმომადგენლებთან ერთად გაეცნენ - გორის სტადიონი 19-წლამდელ ფეხბურთელთა ევროპის ჩემპიონატის სამასპინძლოდ ემზადება.