სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
        01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30  

ახალგაზრდა მოჭიდავეების 13 მედალი ევროპის ჩემპიონატიდან (ვიდეო)

თარიღი: 2017 ივლისი 05

5 ივლისს, ოლიმპიურ სასახლეში გაიმართა ევროპის ჩემპიონატიდან დაბრუნებული მოჭიდავეთა ახალგაზრდული ნაკრებების მიღება. ევროპირველობაზე წარმატებით გამოსულ მოჭიდავეებს და ჭიდაობის ფედერაციის ხელმძღვანელობას სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და მინისტრის მოადგილემ შალვა გოგოლაძემ უმასპინძლეს. მინისტრმა მოჭიდავეებს ევროპირველობაზე მოპოვებული წარმატება მიულოცა და სამინისტროს და ფედერაციის თანამშრომლობის გეგმები გააცნო.

27 ივნისიდან - 2 ივლისის ჩათვლით გერმანიის ქალაქმა დორტმუნდმა უმასპინძლა ახალგაზრდა მოჭიდავეთა ევროპის ჩემპიონატს, რომელზეც საქართველოს თავისუფალი და ბერძნულ-რომაული სტილით მოჭიდავეთა ნაკრები წარმატებით გამოვიდნენ და ჯამში 13 მედალი მოიპოვეს. თავისუფალი სტილით მოჭიდავეთა ნაკრების ანგარიშზე, რომელსაც ბელდუხ გავაშელიშვილი წვრთნის - 1 ოქროს, 1 ვერცხლის და 3 ბრინჯაოს მედალია. ევროპის ჩემპიონი გივი მაჭარაშვილი (97 კგ) გახდა, ვერცხლის მედალს ნიკა კენჭაძე (74 კგ) დაეუფლა, ხოლო ბრინჯაოს მედლები - ედემი ბოლქვაძემ (60 კგ), თეიმურაზ ვანიშვილმა (55 კგ) და ზაურ ბერაძემ (84 კგ) მოიპოვეს. "თავისუფლებმა" ევროპირველობაზე მე-3 გუნდური ადგილი დაიკავეს.

ბერძნულ-რომაული სტილით მოჭიდავეთა ნაკრებმა კი მედალი რვავე წონაში დაისაკუთრა და 1 გუნდური ადგილი დაისაკუთრა.  ევროპის ჩემპიონები გახდნენ რამაზ სილაგავა (50), ლერი აბულაძე (60) და ზვიად პატარიძე (+120 კგ), ვინც ევროპის ჩემპიონის ტიტული ზედიზედ მეოთხედ მოიპოვა. ვერცხლის მედალს გიორგი კურტანიძე (66) დაეუფლა, ბრინჯაოს მედლები კი ნუგზარ წურწუმიამ (55), თემურ ჭკუასელიძემ (84), ბექა მამუკაშვილმა (74) და გიორგი ბარბაქაძემ (96) მოიპოვეს. პატარა "ანტიკოსების" მთავარი მწვრთნელი სოსო ჯაბიძეა.

27 ივნისი - 2 ივლისი. დორტმუნდი. ჭიდაობა. ახალგაზრდული ევროპის ჩემპიონატი

თავისუფალი სტილით მოჭიდავეთა ნაკრები

გივი მაჭარაშვილი (97 კგ) - ოქრო
ნიკა კენჭაძე (74 კგ) - ვერცხლი
ედემი ბოლქვაძე (60 კგ) - ბრინჯაო
თეიმურაზ ვანიშვილი (55 კგ) - ბრინჯაო
ზაურ ბერაძე (84 კგ)  - ბრინჯაო
მთავარი მწვრთნელი: ბელდუხ გავაშელიშვილი

ბერძნულ-რომაული სტილით მოჭიდავეთა ნაკრები
რამაზ სილაგავა (50) - ოქრო
ლერი აბულაძე (60)  - ოქრო
ზვიად პატარიძე (+120 კგ) - ოქრო
გიორგი კურტანიძე (66)  - ვერცხლი
ნუგზარ წურწუმია (55) - ბრინჯაო
თემურ ჭკუასელიძემ (84) - ბრინჯაო
ბექა მამუკაშვილი (74) - ბრინჯაო
გიორგი ბარბაქაძე (96)  - ბრინჯაო

მთავარი მწვრთნელი: სოსო ჯაბიძე

ფოტო - თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.