სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
            01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30            

ქართველი კარატისტების ისტორიული შედეგი მსოფლიოს ჩემპიონატზე (ვიდეო)

თარიღი: 2017 ივლისი 06

6 ივლისს, სამინისტროში, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა, მინისტრის პირველმა მოადგილემ აკაკი ლოდიამ, მინისტრის მოადგილემ შალვა გოგოლაძემ და სპორტის პოლიტიკისა და მართვის დეპარტამენტის უფროსმა ირაკლი დოლაბერიძემ უმასპინძლეს მსოფლიოს ჩემპიონატიდან დაბრუნებულ კონტაქტური კარატეს ეროვნულ ნაკრებს, რომელმაც მსოფლიოს პირველობაზე ისტორიული შედეგი აჩვენა  - ანდრეი ზინჩენკომ (65 კგ) ვერცხლის და მიხეილ წიკლაურმა (75 კგ) ბრინჯაოს მედალი მოიპოვა.

მინისტრმა კარატისტებს მსოფლოს ჩემპიონატზე მოპოვებული წარმატება და 2020 წელს თბლისში ევროპირველობის მასპინძლობის უფლების მიღება მიულოცა. კომპანია "სკაიტელის" ხელმძღვანელობამ კი საქართველოს ნაკრებს სამედიცინო მომსახურების უზრუნველყოფის მიზნით 2000 ლარიანი ვაუჩერი გადასცა. 1-2 ივლისს, ყაზახეთის დედაქალაქ ასტანაში, კონტაქტურ კარატეში  მსოფლიო ჩემპიონატი გაიმართა, რომელიც 4 წელიწადში ერთხელ ტარდება და მასში მონაწილეობის უფლება პლანეტის უძლიერეს, მხოლოდ ლიცენზია მოპოვებულ  სპორტსმენებს აქვთ.

მსოფლიოს ჩემპიონატი, რომელიც ქალებსა და კაცებს შორის 4-4 წონით კატეგორიაში ჩატარდა, მსოფლიოს კარატეს ორგანიზაციის წევრი 94 ქვეყნიდან, 40 ქვეყნის 192 ლიცენზირებულ სპორტსმენს მასპინძლობდა. ჩვენი ქვეყნის ღირსებას იცავდა საქართველოს ეროვნული ნაკრების 4 სპორტსმენი: ანდრეი ზინჩენკო (-65კგ) მიხეილ წიკლაური (-75კგ) თენგიზ ბასტოიანი (75კგ) და ლევან ვერულიძე (-85კგ). მსოფლიოს ჩემპიონატის პირველ საშეჯიბრო დღეს 1/16 და 1/8 ფინალები, ხოლო მეორე დღეს მე-1/4; 1/2 და ფინალური ორთაბრძოლები ჩატარდა. საქართველოს ეროვნული ნაკრების წევრებმა, ევროპის ორგზის ჩემპიონებმა ანდრეი ზინჩენკომ (2014; 2016) და მიხეილ წიკლაურმა (2009; 2011) ქართული კონტაქტური კარატეს ისტორიაში, უდიდეს შედეგს მიაღწიეს და მსოფლიო ჩემპიონატზე პირველი ქართველები გახდნენ, ვინც მედლები მოუტანა ჩვენს ქვეყანას.

ზინჩენკო ვერცხლის, ხოლო წიკლაური ბრინჯაოს მედლის მფლობელი გახდა. ანდრეი ზინჩენკომ 4 ბრძოლა დამაჯერებლად მოიგო მათ შორის 2 იაპონელ სპორტსმენთან და ფინალში გავიდა, სადაც ასევე იაპონელ მებრძოლ, აზიის და იაპონიის მრავალგზის ჩემპიონ ოკაზაკისთან, თანაბარ და უკომპრომისო თანაბარ ბრძოლაში, ბოლო დამატებით რაუნდში, მსაჯების გადაწყვეტილებით  (5 მსაჯიდან 3/2 -ზე) დამარცხდა, თუმცა მთელი დარბაზის და დელეგაციების სიმპათია დაიმსახურა.

ანდრეი ზინჩენკომ მის მრავალფეროვან მედლების კოლექციას, პირველად შემატა მსოფლიო ჩემპიონატის, ამჯერად ვერცხლის მედალი. რაც შეეხება მეორე  მედალოსანს, მიხეილ წიკლაურს (-75კგ), რომელიც წლებია უკვე ევროპის ჩემპიონატებიდან თითქმის უმედლოდ არ ბრუნდება. იგი  ევროპის და მომავალ მსოფლიოს ჩემპიონთან, აზერბაიჯანელ სალაჰატ ჰასანოვთან ნახევარფინალში დამარცხდა და ბრინჯაოს მედალი მოიპოვა. ამრიგად, საქართველომ გუნდურ ჩათვლაში მსოფლიოში მე-4 ადგილი დაიკავა.

მსოფლიო ჩემპიონატები აბსოლუტურ წონით კატეგორიაში 1975 წლიდან 4 წელიწადში ერთხელ ტარდება. საქართველო დამოუკიდებელი სახელმწიფოს სახელით მსოფლიო ჩემპიონატებში 1991 წლიდან ჩაერთო (რომელიც ტრადიციულად მხოლოდ ტოკიოში ტარდება) და აქამდე მხოლოდ 4 სპორტსმენმა შეძლო საუკეთესო 32-ში შესვლა: (ანზორ ჩუბინიძე-1996; ემზარ ნიქაცაძე-2003; ედუარდ ჯანოაშვილი-2007 და ანდრეი ზინჩენკო-2015).

მსოფლიო ჩემპიონატები წონით კატეგორიებში 1997 წლიდან 4 წელიწადში ერთხელ იმართება და მასში მხოლოდ ლიცენზია მოპოვებული სპორტსმენები ასპარეზობენ, სადაც დღემდე ქართველ სპორტსმენთაგან საპრიზოზე არავინ გასულა. მსოფლიო ჩემპიონატის პარალელურად, მსოფლიოს კარატეს ორგანიზაციის გენერალური ასსაბლეა გაიმართა. ერთ-ერთი საკითხი 2021 წლის მსოფლიო ჩემპიონატის გამართვის საკითხიც იყო, სადაც ერთმანეთს პოლონეთისა და ბრაზილიის დედაქალაქები ეჯიბრებოდნენ.

მასპინძლობის უფლება ვარშავამ მოიპოვა. აღსანიშნავია ისიც, რომ 2016 წელს 14-15 მაისს საქართველოში პირველად გამართულმა ევროპის ჩემპიონატმა, რომელიც თბილისში ჩატარდა უმაღლესი შეფასება მიიღო, რამაც განაპირობა გადაწყვეტილება, რომ 2020 წლის გაზაფხულზე, ევროპის ჩემპიონატს კვლავ ჩვენი ქვეყნის დედაქალაქმა, თბილისმა უმასპინძლოს. როგორც უკვე ცნობილია კარატე ტოკიოს 2020 წელს ოლიმპიურ თამაშების პროგრამაშია შეტანილი, რაც კარატეს უდაოდ დიდი წარმატებაა, ხოლო კონტაქტური კარატე სადემონსტრაციო გამოსვლით და საჩვენებელი შეჯიბრებით წარდგება  იაპონიაში, რაც უდაოდ მნიშვნელოვანია სპორტის ამ სახეობის პოპულარიზაციისათვის. 

ფოტო - თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.