სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
        01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30  

ოლიმპიურ სასახლეში მედია-ფესტივალი ბაჩოს თასი 2017 ჩატარდა

თარიღი: 2017 ივლისი 08



7 ივლისს, თბილისის ოლიმპიურ სასახლეში სპორტულ ჟურნალისტთა ტრადიციული მედია- ფესტივალი - ბაჩოს თასი 2017 გაიმართა. "ბაჩოს თასი 2017" მინი-ფეხბურთსა და 3/3-ზე კალათბურთში ჩატარდა, ტურნირში მონაწილეობა სხვადასხვა გუნდებში გადანაწილებულმა სპორტულმა ჟურნალისტებმა და ბაჩო სვანიძის მეგობრებმა მიიღეს.

იხილეთ ფოტოგალერეა


ბიჭებს შორის მინი-ფეხბურთის ტურნირის გამარჯვებული ზედიზედ მეოთხედ, ბაჩოს მეგობრების გუნდი გახდა, რომელმაც ფინალში, ტელე-მედიის გუნდი პენალტების სერიაში 3:2 (ძირითადი დრო 3:3) დაამარცხა, მე-3 ადგილისთვის შეხვედრაში კი სპორტული პრესის გუნდმა "სარბიელს" 4:3 აჯობა. საკალათბურთო ტურნირის გამარჯვებული სპორტული პრესის გუნდი გახდა, გოგონების საფეხბურთო მატჩში კი გამარჯვება გუნდმა "როზაურამ" მოიპოვა.

"ბაჩოს თასის" გამარჯვებული და პრიზიორი გუნდები, სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა, ფეხბურთის ფედერაციის პრეზიდენტმა ლევან კობიაშვილმა და ვიცე-პრეზიდენტმა კახა ჭუმბურიძემ, ასევე კალათბურთის ფედერაციის პრეზიდენტმა მიხეილ გაბრიჩიძემ თასებით, მედლებით და სამახსოვრო პრიზებით დააჯილდოვეს. ფეხბურთის ტურნირის საუკეთესო მოთამაშედ "ბაჩოს მეგობრების" მეკარე კობა ხატისაშვილი დასახელდა, კალათბურთის ტურნირის საუკეთესო მოთამაშე კი სპორტული პრესის გუნდის წარმომადგენელი გიორგი კოროშენიძე გახდა.



საფეხბურთო ტურნირის საუკეთესო მოთამაშეს, წელს გარდაცვლილი ტელეკომენტატორის, ალეკო ჯიბლაძის სახელობის სპეციალური პრიზი გადაეცა, საუკეთესო კალათბურთელისთვის კი დაწესებული იყო ბურთი ეროვნული ნაკრების წევრების ხელმოწერებით.

სპორტული პროგრამის დასრულების შემდეგ, ოლიმპიურ სასახლეში საქართველოს სპორტულ ჟურნალისტთა ასოციაციის ყოველწლიური პრემიების დაჯილდოების ცერემონია გაიმართა, სადაც ლაურეატებს ჯილდო ასოციაციის პრეზიდენტმა მიხეილ აბაიშვილმა გადასცა.

სპორტულ ჟურნალისტთა ტრადიციული მედია- ფესტივალი "ბაჩოს თასი" მეექვსედ ჩატარდა. ფესტივალი 2010 წელს, მძიმე ავადმყოფობის შედეგად გარდაცვლილი ახალგაზრდა სპორტული ჟურნალისტის, ბაჩო სვანიძის სახელს ატარებს, რომელმაც ჟურნალისტური კარიერის უკანასკნელი წლები სპორტულ გაზეთ "სარბიელში" გაატარა. ბაჩო სვანიძის ხსოვნის ტურნირი 2010 წლიდან სპორტულ ჟურნალისტთა ასოციაციის ეგიდით ტარდება, მხარდამჭერები კი სპორტისა და ახალგაზრდობის საქმეთა სამინისტრო, ფეხბურთის და კალათბურთის ფედერაციები და ეროვნული ოლიმპიური კომიტეტი არიან. წლევანდელ ტურნირზე "ბაჩოს თასის" პარტნიორები იყვნენ წვენების მწარმოებელი კომპანია "კამპა" და ნაყინის მწარმოებელი კომპანია "ლიდერი".





ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.