სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
          01 02
07 09
15 16
22 23
26 27 28 29 30
31            

ზუგდიდის მუნიციპალიტეტის სოფელ რიყეში ძალოსნობის რეაბილიტირებული დარბაზი გაიხსნა

თარიღი: 2017 ივლისი 17



17 ივლისს ზუგდიდის მუნიციპალიტეტის სოფელ რიყეში ძალოსნობის ახალი, რეაბილიტირებული დარბაზი გაიხსნა.

იხილეთ ფოტოგალერეა

დარბაზის გახსნას სპორტისა და ახალგაზრდობის საქმეთა მინისტრი, ტარიელ ხეჩიკაშვილი, სამეგრელო-ზემო სვანეთის სახელმწიფო რწმუნებული-გუბერნატორი ლევან შონია, ძალოსნობის ფედერაციის პრეზიდენტი, სამგზის ოლიმპიური ჩემპიონი კახი კახიაშვილი, ასევე ადგილობრივი მუნიციპალიტეტის წარმომადგენლები, მწვრთნელები და სპორტსმენები ესწრებოდნენ.

დარბაზის გახსნაზე იმყოფებოდნენ მსოფლიოს ჩემპიონი ახალგაზრდებს შორის გიორგი ჩხეიძე და მსოფლიოსა და ევროპის ჩემპიონი ჭაბუკებს შორის ირაკლი ჩხეიძე, რომლებიც სწორედ ამ დარბაზში გაიზარდნენ.

სოფელ რიყეში, რომელიც ძალოსნობის დიდი ტრადიციებით გამოირჩევა, ძალოსნობის დარბაზი 1989 წელს აშენდა, თუმცა წლების მანძილზე დარბაზში სპორტსმენებისთვის სავარჯიშო პირობები არ არსებობდა.  დარბაზს სრული რეაბილიტაცია სპორტისა და ახალგაზრდობის საქმეთა მინისტრის დაპირების შედეგად, ადგილობირივ მუნიციპალიტეტის დახმარებით ჩაუტარდა, ძალოსნობის ფედერაციამ დარბაზი 100 000 ლარის ღირებულების თანამედროვე ინვენტარით და სავარჯიშო მოწყობილობებით აღჭურვა, დარბაზის რეაბილიტაცია კი 46 762 ლარი დაჯდა.



აღსანიშნავია, რომ ბოლო პერიოდის განმავლობაში, საქართველოს სპორტისა და ახალგაზრდობის საქმეთა სამინისტროს და ძალოსნობის ეროვნული ფედერაციის, ასევე რეგიონული მუნიციპალიტეტების ერთობლივი თანამშრომლობის შედეგად, მთელი საქართველოს მასშტაბით 28 ახალი დარბაზი  განახლდა და კეთილმოეწყო. სპორტული ინფრასტრუქტურის მოწყობა მთელი ქვეყნის მასშტაბით გაგრძელდება.

ტარიელ ხეჩიკაშვილი: "ყველაზე ძალიან ის მიხარია, რომ ჩვენი დანაპირები ასრულდა და ვხედავთ, თუ როგორი ემოციებით დაგვხვდნენ ახალგაზრდები სოფელ რიყეში. მივესალმები ჩხეიძეების ოჯახის წარმომადგენლებს, ჩვენს ახალგაზრდა მსოფლიოს ჩემპიონებს, რომლებიც სწორედ ამ დარბაზში გაიზარდნენ. დარწმუნებული ვარ, რომ მომავალში, ამ დარბაზში აუცილებლად გაიზრდებიან ოლიმპიური, მსოფლიოსა და ევროპის ჩემპიონები.

ძალზე მნიშვნელოვანია ის ფაქტი, თუ ადრე რეგიონებში მხოლოდ 4 დარბაზი იყო სპორტსმენების განკარგულებაში, ახლა უკვე 28 დარბაზი გვაქვს და ეს აღმშენებლობა ძალოსნობის ფედერაციასთან და ადგილობრივ მუნიციპალიტეტებთან ერთად აუცილებლად გაგრძელდება როგორც სამეგრელოს, ასევე საქართველოს სხვა რეგიონებში. სპორტის სამინისტრო მაქსიმალურად ხელს შეუწყობს ძალოსნობის ფედერაციას, იმისათვის, რომ ძალოსნობა ყველასთვის ხელმისაწვდომი იყოს ჩვენს ქვეყანაში."





ფოტო: თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2017 ივლისი 13
13 ივლისს, სპორტულ კომპლექს "არენა 1-ში" გაიმართა ტაეკვონდოს კორეელი სპეციალისტების თეორიული და პრაქტიკული სემინარი, რომელსაც კორეელი მწვრთნელები ქართველი სპორტსმენებისთვის ატარებენ. ღონისძიებას დაესწრო სპორტისა და ახალგაზრდობის საქმეთა მინისტრი ტარიელ ხეჩიკაშვილი და მინისტრის მოადგილე შალვა გოგოლაძე.  
კატეგორია : სამინისტროს სიახლეები თარიღი : 2017 ივლისი 08
7 ივლისს, თბილისის ოლიმპიურ სასახლეში სპორტულ ჟურნალისტთა ტრადიციული მედია- ფესტივალი - ბაჩოს თასი 2017 გაიმართა. "ბაჩოს თასი 2017" მინი-ფეხბურთსა და 3/3-ზე კალათბურთში ჩატარდა, ტურნირში მონაწილეობა სხვადასხვა გუნდებში გადანაწილებულმა სპორტულმა ჟურნალისტებმა და ბაჩო სვანიძის მეგობრებმა მიიღეს.
კატეგორია : სამინისტროს სიახლეები თარიღი : 2017 ივლისი 06
6 ივლისს, სამინისტროში, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა, მინისტრის პირველმა მოადგილემ აკაკი ლოდიამ, მინისტრის მოადგილემ შალვა გოგოლაძემ და სპორტის პოლიტიკისა და მართვის დეპარტამენტის უფროსმა ირაკლი დოლაბერიძემ უმასპინძლეს მსოფლიოს ჩემპიონატიდან დაბრუნებულ კონტაქტური კარატეს ეროვნულ ნაკრებს, რომელმაც მსოფლიოს პირველობაზე ისტორიული შედეგი აჩვენა  - ანდრეი ზინჩენკომ (65 კგ) ვერცხლის და მიხეილ წიკლაურმა (75 კგ) ბრინჯაოს მედალი მოიპოვა.   
კატეგორია : სამინისტროს სიახლეები თარიღი : 2017 ივლისი 05
5 ივლისს, ოლიმპიურ სასახლეში გაიმართა ევროპის ჩემპიონატიდან დაბრუნებული მოჭიდავეთა ახალგაზრდული ნაკრებების მიღება. ევროპირველობაზე წარმატებით გამოსულ მოჭიდავეებს და ჭიდაობის ფედერაციის ხელმძღვანელობას სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და მინისტრის მოადგილემ შალვა გოგოლაძემ უმასპინძლეს.   
კატეგორია : სამინისტროს სიახლეები თარიღი : 2017 ივლისი 04
"ზედაზენის" ოფისის ეზოში საგანგებოდ მოწყობილ სივრცეში, მინისტრს, ძიუდოს ფედერაციისა და სამინისტროს წარმომადგენლებს, სპორტსმენებსა და მწვრთნელებს კომპანიის დამფუძნებელმა ცეზარ ჩოჩელმა უმასპინძლა.