სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
  01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31      

ხელბურთის საერთაშორისო ფედერაციამ მსოფლიო ჩემპიონატს მაღალი შეფასება მისცა

თარიღი: 2017 აგვისტო 16

16 აგვისტოს, ხელბურთის საერთაშორისო ფედერაციის პრეზიდენტი დოქტორი ჰასან მუსტაფა სამინისტროს ესტუმრა და სპორტისა და ახალგაზრდობის საქმეთა მინისტრს ტარიელ ხეჩიკაშვილს და მინისტრის მოადგილეს შალვა გოგოლაძეს შეხვდა.

შეხვედრაზე, რომელსაც საქართველოს ხელბურთის ფედერაციის პრეზიდენტი ზურაბ კაკაბაძე და ვიცე-პრეზიდენტი ვახტანგ მეიფარიანი ესწრებოდნენ, ისაუბრეს თბილისში მიმდინარე 19-წლამდელთა მსოფლიოს ჩემპიონატზე, ასევე საქართველოში ხელბურთის განვითარების გეგმებზე და ხელბურთის ფედერაციის და ხელბურთის საერთაშორისო ფედერაციის ერთობლივ პროექტებზე. ჰასან მუსტაფამ აღნიშნა, რომ თბილისში მიმდინარე მსოფლიოს ჩემპიონატი მაღალ დონეზეა ორგანიზებული და მინისტრს მხარდაჭერისთვის მადლობა გადაუხადა.

დოქტორი ჰასან მუსტაფა ხელბურთის საერთაშორისო ფედერაციას 2000 წლიდან ხელმძღვანელობს. წლების წინ მას ეგვიპტის კლუბებსა და ეროვნულ ნაკრებში უთამაშია, იყო საერთაშორისო კატეგორიის არბიტრი, ეგვიპტის ხელბურთის ფედერაციის პრეზიდენტი.

ხელბურთის საერთაშორისო ფედერაციის მესვეურები თბილისში ოფიციალური ვიზიტით იმყოფებიან. საქართველოს დედაქალაქი 8 აგვისტოდან ჭაბუკთა (U19) მე-7 მსოფლიო ჩემპიონატს მასპინძლობს, სადაც საქართველოს ნაკრებიც მონაწილეობს. 24-გუნდა ჩემპიონატის ფინალი კვირას, 20 აგვისტოს გაიმართება.



ხელბურთში ამ დონის საერთაშორისო ტურნირი საქართველოში პირველად ტარდება. საქართველოს ნაკრები მსოფლიო პირველობის დებიუტანტია. გუნდს ბექა ორჯონიკიძე და უკრაინელი სპეციალისტი ანდრეი პორტნოი წვრთნიან. ქართველმა ჭაბუკებმა B ჯგუფში ასპარეზობა დაასრულეს და დღეიდან პრეზიდენტის თასისთვის ითამაშებენ. ალჟირთან 28:24, იაპონიასთან 22:30, ისლანდიასთან 25:42, გერმანიასთან 25:41, ჩილესთან 24:29 - ასეთი იყო საქართველოს ჭაბუკთა ნაკრების შედეგი ჯგუფში.

სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.