სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
          01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30

ერგნეთის საჯარო სკოლაში ახალი სასწავლო წელი დაიწყო

თარიღი: 2017 სექტემბერი 15

15 სექტემბერს, ერგნეთის საჯარო სკოლას, რომელიც შიდა ქართლში კონფლიქტის ზონის სოფელია და ცხინვალის მოსაზღვრედ მდებარეობს,  ესტუმრნენ სპორტისა და ახალგაზრდობის საქმეთა მინისტრი ტარიელ ხეჩიკაშვილი და სახელმწიფო მინისტრი შერიგებისა და სამოქალაქო თანასწორობის საკითხებში - ქეთევან ციხელაშვილი. მინისტრებს ერგნეთში შიდა ქართლის გუბერნატორმა კახა სამხარაძემ უმასპინძლა.

ხეჩიკაშვილმა და ციხელაშვილმა პედაგოგებს და ადგილობრივ მოსახლეობას მადლობა გადაუხადეს და თანადგომას დაპირდნენ. ტარიელ ხეჩიკაშვილმა საჯარო სკოლას სპორტული ინვენტარი - ფეხბურთის, კალათბურთის ბურთები და ფორმები, ასევე ფრენურთის  და ფეხბურთის კარის ბადე გადასცა. მოგვიანებით, მინისტრები ერგნეთის რეაბილიტირებულ საფეხბურთო მოედანს ესტუმრნენ და შიდა ქართლის ფეხბურთის ფედერაციის ხელმძღვანელობას და მწვრთნელებს გაესაუბრნენ.

ტარიელ ხეჩიკაშვილი:" უღრმესი მადლობა თითოეულ მოსწავლეს და პედაგოგს, მშობლებს, რომლებიც მართლაც გმირობის ფასად ახერხებენ, აქ კონფლიქტის პირას მდებარე სოფელში ცხოვრებას. ეს ადამიანები ზრდიან ჯანსაღ, განათლებულ თაობას, უნიჭიერეს ახალგაზრდებს, რომლებიც დანარჩენ საქართველოს საოცარი გამბედაობის და მიზანდასახულობის მაგალითს აძლევენ.

თქვენი დახმარებით, ჩვენი თანადგომით, ერთობლივი ძალისხმევით შევძლებთ, რომ მშვიდობიანი გზით მოვახერხოთ ჩვენს ძმებთან, ოსებთან თანაცხოვრება და განვითარება. დღევანდელი ჩვენი სტუმრობის მიზანი და მთავარი გზავნილიც სწორედ ეს არის. მჯერა, რომ აუცილებლად მოვახერხებთ ამ პრობლემის გადაჭრას და მშვიდობიან თანაცხოვრებას. გილოცავთ ახალი სასწავლო წლის დაწყებას და წარმატებებს გისურვებთ".

ქეთევან ციხელაშვილი:"განთლება, მომავალ თაობაზე ზრუნვა არის გზა უკეთესი, წარმატებული, ერთიანი მომავლისკენ. ძალიან ამაღელვებელია ჩვენთვის დღეს თქვენთან ერთად ყოფნა. მინდა, განსაკუთრებით მივულოცო დღევანდელი დღე ბარბარეს, ელენეს, ნონას და გერას, პირველკლასელებს, რომლებიც ეხლა იწყებენ სწავლას. სკოლა არის ადგილი, სადაც ადამიანი ყალიბდება პიროვნებად და მე მჯერა, რომ თქვენ, პედაგოგები, რომლებიც უმნიშვნელოვანეს საქმეს ასრულებთ, ღირსეულ მოქალაქეებს აღზრდით.

სახელმწიფო კი გააგრძელებს ყველა ძალისხმევის გამოყენებას, რომ თქვენ მაქსიმალური მხარდაჭერა იგრძნოთ, შეგიქმნათ ღირსეული პირობები, რათა აქ, თქვენს მშობლიურ სოფელში იცხოვროთ, იმუშაოთ, ისწავლოთ და მომავალ წლებში უფრო და უფრო მეტი პირველკლასელი ჰყავდეს ამ სკოლას. მე დარწმუნებული ვარ,  ამ სკოლის კედლებში დღეს მყოფი მოსწავლეები არიან ის თაობა, რომელიც გამყოფი ხაზის მიღმა მცხოვრებ თანატოლებთან ხიდებს საბოლოოდ აღადგენს. ჩვენ ერთად მივაღწევთ მშვიდობიან, ერთიან, ევროპულ სახელმწიფოში თანაცხოვრების მიზანს, სადაც თითოეული ახალგაზრდა შეძლებს თავისი ნიჭის და შესაძლებლობების რეალიზებას".

ფოტო - თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.