სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
        01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30  

ოლიმპიური სოფლის ტერიტორიაზე სარაგბო და საფეხბურთო მოედნების მშენებლობა მიმდინარეობს

თარიღი: 2017 სექტემბერი 19

დიდ დიღომში, ოლიმპიური ქალაქის, "ახალი თბილისის" ტერიტორიაზე საფეხბურთო და სარაგბო მოედნების მშენებლობა ინტენსიურად მიმდინარეობს და წლის ბოლომდე დასრულდება. ახალი თბილისის ტერიტორიაზე სულ 7 მოედანი მოეწყობა - 4 საფეხბურთო და 3 სარაგბო.

მშენებლობის პროცესი სპორტისა და ახალაგაზრდობის საქმეთა მინისტრმა ტარიელ ხეჩიკაშვილმა, მოადგილესთან შალვა გოგოლაძესთან, სპორტის პოლიტიკისა და მართვის დეპარტამენტის უფროსთან ირაკლი დოლაბერიძესთან და საქართველოს პარლამენტის სპორტისა და ახალგაზრდულ საქმეთა კომიტეტის თავმჯდომარესთან მიხეილ ყაველაშვილთან ერთად მოინახულა.

მოედნების მშენებლობა ზუსტად ერთი წლის წინ დაიწყო, მაშინ სიმბოლური კაფსულა ჩაუშვა უეფას ახლად არჩეულმა პრეზიდენტმა ალექსანდ ჩეფერინიმ, მინისტრ ტარიელ ხეჩიკაშვილთან ერთად. სტადიონები "სპორტული ინფრასტრუქტურის განვითარების სახელმწიფო მიზნობრივი პროგრამის" ფარგლებში შენდება და თბილისში და ქუთაისში 10 საფეხბურთო და სარაგბო მოედნის მოწყობას ითვალისწინებს.

პროექტის საერთო ღირებულება  10 700 000 ლარია. გარდა ამისა, თელავში, გორში და ბათუმში წლის ბოლომდე მულტიფუნქციური სპორტის სასახლეები გაიხსნება. სპორტისა და ახალგაზრდობის საქმეთა სამინისტროს ყველა მშენებარე ობიექტზე 1000-მდე ადამიანია დასაქმებული.  

ტარიელ ხეჩიკაშვილი:" ბოლო წლების განმავლობაში სპორტული ინფრასტრუქტურის მშენებლობის კუთხით გამორჩეული პერიოდი გვაქვს. განსაკუთრებით მნიშვნელოვანია ეს ყველაფერი საფეხბურთო და სარაგბო მოედნების მშენებლობის თვალსაზრისით. თუ სარაგბო ინფრასტრუქტურის განვითარების მხირვ ფონდი "ქართუს" მიერ ვართ განებივრებულები, ფეხბურთის ინფრასტრუქტურა განადგურებულია და ეს არის პირველი პრეცედენტი, როცა ამ მასშტაბის მშენებლობა მიმდინარეობს.

სიმბოლურია, რომ კაფსულა ჩავაგდეთ უეფას პრეზიდენტთან ერთად, მაშინ ის მისი პირველი ვიზიტი იყო, პრეზიდენტად არჩევის შემდეგ. ჩვენ გულშემატკივარს დავპირდით, რომ მშენებლობას წლის ბოლომდე დავასრულებდით, ამის მოედნები სამართავად გადაეცემა ფეხბურთის ფედერაციას, რომელიც უმაღლესი დონის, საერთაშორისო სტანდარტების მოედნებს საკლუბო თუ სანაკრებო დონეზე გამოიყენებს. მსგავსი პროექტები გაგრძელდება და სპორტსმენებს და გულშემატკივრებს არაერთ უმაღლესი დონის სპორტულ ბაზას ვაჩუქებთ, რაც გახდება საწინდარი ჩვენი შემდგომი გამარჯვებების".

მიხეილ ყაველაშვილი:" სასიამოვნოა, რომ ასეთი ინფრასტრუქტურა შენდება, რისი მსგავსიც ბოლო წლებში არ გვქონია. პირიქით, ბოლო წლებში წინა ხელისუფლების დროს, ძალიან ბევრი სტადიონი გადანდგურდა და ეს არის ჩვენი პასუხი ამ ყველაფერზე - მშენებლობა და განვითარება. მსგავსი მასშტაბის მშენებლობა საფეხბურთო ინფრასტრუქტურის მიმართულებით არ გვქონია. აქ ძალიან ბევრი მოზარდი ივარჯიშებს და გაიზრდება".

ფოტო - თამუნა ყულუმბეგაშვილი
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.