სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
        01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30  

თბილისი სპორტული ტურიზმის კონფერენციას მასპინძლობს

თარიღი: 2017 სექტემბერი 27



სასტუმრო ჰუალინგში დღეს ორდღიანი კონფერენცია გაიხსნა, რომელიც საქართველოს კორპორატიული სპორტის ფედერაციის მიერაა ორგანიზებული.

კონფერენციის ფარგლებში მონაწილეები განიხილავენ ისეთ თემებს, როგორიცაა მოვლენათა გავლენა რეგიონის ეკონომიკაზე, ტერიტორიული მარკეტინგი, რეგიონის განვითარება მოვლენათა შექმნის საშუალებით, ბრენდირებული მოვლენების შექმნა და განვითარება, მცირე და საშუალო ბიზნესის ინტეგრაცია სპორტული და სხვა სახის მოვლენების ორგანიზებაში.

კონფერენციის მხარდამჭერები არიან საქართველოს ტურიზმის ეროვნული ადმინისტრაცია, საქართველოს დამსაქმებელთა ასოციაცია, დედაქალაქის მერია, საქართველოს პარლამენტის სპორტისა და ახალგაზრდულ საქმეთა კომიტეტი.

სპეციალური მიწვევით კონფერენციაზე სიტყვით გამოვიდა სპორტისა და ახალგაზრდულ საქმეთა მინისტრი ტარიელ ხეჩიკაშვილი, რომელმაც განაცხადა: „ქალბატონებო და ბატონებო, ძვირფასო სტუმრებო! მადლობას გიხდით ჩვენს ქვეყანაში ჩამობრძანებისთვის. ჩვენი ქალაქი მასპინძლობს ძალიან საინტერესო და მნიშვნელოვან ღონისძიებას. ჩვენთვის მნიშვნელოვანია, რომ ქვეყანაში განვითარდეს სპორტული ტურიზმი. ამისთვის ხელისუფლებამ დიდი შრომა გაწია და შედეგი სახეზეა - 2017 წელს სახელმწიფოს მხარდაჭერით, Check in Georgia Sport-ის ფარგლებში, საქართველომ 13 საერთაშორისო-სპორტულ ღონისძიებას  უმასპინძლა, რაც უპრეცედენტო შემთხვევაა ქართული სპორტის ისტორიაში. მსოფლიოსა და ევროპის ჩემპიონატები, საერთაშორისო ტურნირები იმაზე მეტყველებს, რომ საერთაშორისო სპორტულ რუკაზე საქართველო თავის ადგილს იმკვიდრებს. ყველა ეს ღონისძიება თუ ასპარეზობა იმავე მიზანს ემსახურება, რასაც Check in  Georgia - მეტი ადამიანი ჩამოვიდეს ჩვენს ქვეყანაში, გაატაროს საუკეთესო დრო, მიიღოს პროფესიული გამოცდილება, დაისვენოს  და  მონიშნოს საკუთარი ყოფნა საქართველოში მსოფლიო რუკაზე. წელს, მხოლოდ სპორტული ღონისძიებების ფარგლებში საქართველოს ასამდე ქვეყნის უამრავ ვიზიტორი ეწვია.  აქვე მინდა აღვნიშნო, რომ პირველი ადამიანი, რომელმაც 2017 წელს Check in Georgia Sport-ის ფარგლებში საქართველოში საკუთარი ყოფნა მონიშნა, იყო ჰაინც კინიგადნერი, ფონდ Wings for Life-ის დამფუძნებელი... მოგეხსენებათ, საქართველომ წელსაც (7 მაისი) უმასპინძლა მსოფლიო რბენას, სადაც 5 000 მონაწილე იყო დარეგისტრირებული. მსოფლიოს 25 ქვეყანაში წელს 100 ათასმა ადამიანმა მიიღო მონაწილეობა მსოფლიო რბენაში... პროექტ Check in Georgia Sport-ს კომპლექსური დატვირთვა აქვს ტურიზმის ზრდის თვალსაზრისით. ის ხელს უწყობს საქართველოში სპორტული  ტურიზმის ზრდას და განვითარებას. ამასთან, ის მნიშვნელოვან როლს ასრულებს საქართველოში ტურისტული სეზონის გახანგრძლივებისა და ზოგადად, ჩვენი ქვეყნის ცნობადობის ზრდის მიმართულებით. საქართველო მსოფლიო ტურისტულ რუკაზე წელს კიდევ ერთხელ დაფიქსირდა, როგორც საერთაშორისო სტანდარტის სპორტული და კულტურული ღონისძიებების ჩატარების ადგილი".

დამსწრე საზოგადოებას სიტყვით მიმართეს პარლამენტის სპორტისა და ახალგაზრდულ საქმეთა კომიტეტის თავმჯდომარემ მიხეილ ყაველაშვილმა, დედაქალაქის მერმა დავით ნარმანიამ და კორპორატიული სპორტის ფედერაციის პრეზიდენტმა პაატა ცივაძემ. კონფერენცია, რომელშიც უცხოელი სტუმრებიც მონაწილეობენ, ხვალ დასრულდება.


სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.