სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
            01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30            

საქართველოს პრემიერ-მინისტრმა მსოფლიოს ჩემპიონებს წარმატება მიულოცა

თარიღი: 2017 დეკემბერი 12



საქართველოს პრემიერ-მინისტრი გიორგი კვირიკაშვილი 2017 წლის მსოფლიოს ჩემპიონებს - ძალოსან ლაშა ტალახაძეს და თავისუფალი სტილით მოჭიდავეებს - გენო პეტრიაშვილს და ზურაბ იაკობიშვილს შეხვდა.

პრემიერ-მინისტრთან გამართულ მიღებას სპორტისა და ახალგაზრდობის საქმეთა მინისტრი - ტარიელ ხეჩიკაშვილი, კულტურისა და ძეგლთა დაცვის მინისტრი მიხეილ გიორგაძე, ძალოსნობისა და ჭიდაობის ფედერაციის პრეზიდენტები - კახი კახიაშვილი და გეგა გეგეშიძე და ასევე სპორტსმენთა მწვრთნელები ესწრებოდნენ.

პრემიერ-მინისტრმა წარმატებულ ქართველ სპორტსმენებს მსოფლიო ჩემპიონობა მიულოცა და სამომავლოდ ახალი გამარჯვებები უსურვა.

აღსანიშნავია რომ, 2017 წელი სპორტული შედეგებით საუკეთესო გამოდგა დამოუკიდებელი საქართველოს სპორტის ისტორიაში, მიმდინარე სპორტულ სეზონზე ოლიმპიური სპორტის სახეობებში მსოფლიოს ჩემპიონის ტიტულის მოპოვება 4-მა სპორტსმენმა შეძლო - ლაშა ტალახაძემ (ძალოსნობა), ანასტასია გოტფრიდმა (ძალოსნობა), გენო პეტრიაშვილმა (თავისუფალი ჭიდაობა) და ზურაბ იაკობიშვილმა (თავისუფალი ჭიდაობა).

ლაშა ტალახაძემ (+105 კგ) მსოფლიოს ჩემპიონობის მოპოვებასთან ერთად, მსოფლიოს ახალი რეკორდები დაამყარა ორჭიდსა (477 კგ) და ატაცში (220 კგ), გენო პეტრიაშვილი (125 კგ) მსოფლიოს ჩემპიონი გახდა როგორც დიდებში, ასევე 23-წლამდელებში, ზურაბ იაკობიშვილმა (65 კგ) მსოფლიოს ჩემპიონობა მისთვის სადებიუტო მსოფლიო ჩემპიონატზე მოიპოვა, ანასტასია გოტფრიდი (90 კგ) კი პირველი ქალი სპორტსმენი გახდა, რომელმაც დამოუკიდებელი საქართველოს სახელით მსოფლიო ჩემპიონის ტიტულის მოპოვება შეძლო. (წარმომავლობით უკრაინელი ანასტასია გოტფრიდი ამჟამად საქართველოში არ იმყოფება და თბილისში ჩამოსვლას მოგვიანებით გეგმავს).

ფოტო: პრემიერ-მინისტრის ოფიციალური ფეისბუქ-გვერდიდან
სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.