სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
      03 04
08 10 11
13 16 18
20 22 23 24 25
26 27 28        

საქართველოს მორაგბეთა ნაკრები რაგბი ევროპის გათამაშებისთვის ემზადება

თარიღი: 2018 თებერვალი 05

5 თებერვალს,"შევარდენის" სანაკრებო ბაზაზე, საქართველოს კულტურისა და სპორტის მინისტრი მიხეილ გიორგაძე და მინისტრის მოადგილე შალვა გოგოლაძე საქართველოს მორაგბეთა ნაკრებს შეხვდნენ. მინისტრს და მინისტრის მოადგილეს, რაგბის კავშირის პრეზიდენტმა გოჩა სვანიძემ უმასპინძლა. შეხვედრას ესწრებოდნენ ნაკრების მწვრთნელები და მენეჯერები. ეროვნული ნაკრები რაგბი ევროპის 2018 წლის გათამაშებისთვის ემზადება.

ახალ ზელანდიელი სპეციალისტის, მილტონ ჰეიგის გაწვრთნილი გუნდი წლის პირველ შეხვედას 10 თებერვალს, ქუთაისში, "აია არენაზე" გამართავს. საქართველოს ნაკრების მეტოქე ბელგიის ნაკრები იქნება. მატჩი 14:00 საათზე დაიწყება. საქართველოს ნაკრები ბელგიასთან მატჩისთვის გაფართოებული 36 კაციანი შემადგენლობით ემზადება, საიდანაც 24 ლეგიონერია, 12 კი საქართველოს ჩემპიონატის, "დიდი 10"-ის მოთამაშე. ამ თამაშიდან ერთ კვირაში, 17 თებერვალს, საქართველო გერმანიას ეწვევა და თბილისის დროით 17:30 საათზე მასპინძელთა ნაკრებს ოფენბახში დაუპირისპირდება.

ბორჯღალოსნებს ბელგიელებთან აქამდე 3-ჯერ, ხოლო გერმანელებთან 6-ჯერ უთამაშიათ და ორივე მეტოქესთან 100%-იანი შედეგი აქვთ. "ბორჯღალოსნები" ნაკრების არსებობის 28-წლიან ისტორიაში ქუთაისში მესამედ ითამაშებენ. პირველი შეხვედრა 1989 წლის 12 სექტემბერს გაიმართა. მაშინ ქუთაისს ზიმბაბვეს ნაკრები ეწვია და საქართველომ პირველ, ისტორიულ მატჩში მეტოქე 16:3 დაამარცხა. 2005 წლის 12 ივნისს, ასევე ქუთაისში  "ბორჯღალოსნებმა" მაშინდელი ერთა თასის ეგიდით გამართულ შეხვედრაში ჩეხეთის ნაკრები მიიღეს, მეტოქეს 11 ლელო გაუტანეს, 75:10 დაამარცხეს და გატანილ-გაშვებული ქულათა უკეთესი სხვაობით წელი პირველ ადგილზე დაასრულეს.

მიხეილ გიორგაძე (კულტურისა და სპორტის მინისტრი):" მივესალმები ჩვენს მორაგბეებს, წარმატებულ სპორტსმენებს,  ადამიანებს, რომლებმაც ქართველ გულშემატკივარს არაერთი გამარჯვება აჩუქეს. მოხარული ვარ თქვენთან შეხვედრით და თითოეულ თქვენთაგანს, უდიდეს პატივისცემას ვუდასტურებ. მინდა გისურვოთ წარმატებული, გამარჯვებებით დატვირთული სეზონი. დარწმუნებული ვარ, შეძლებთ რაგბი ევროპის გათამაშებაში გამარჯვებას და ასევე ანთიმოზ ივერიელის თასის დაბრუნებას, რომელიც ჩვენსა და რუმინეთის ნაკრებს შორის თამაშდება. კარგად ვიცი, რომ ეს წელი უმნიშვნელოვანესია თქვენთვის, როგორც 2019 წლის რაგბის მსოფლიოს თასის მოსამზადებელი ეტაპი.

2015 წელს, ინგლისში გამართულ მსოფლიოს თასზე საოცარი, თავდაუზოგავი ასპარეზობით, ქართველი და ამასთან არაერთი უცხოელი გულშემატკივრის აღფრთოვანება გამოიწვიეთ. შედეგიანმა თამაშმა კი ავტომატურად მოგიტანათ იაპონიაში, 2019 წელს გასამართი მსოფლიოს ჩემპიონატის საგზური. მჯერა, იაპონიაშიც წარმატებით ითამაშებთ და ქართულ რაგბს კიდევ უფრო მაღალ სიმაღლეზე აიყვანთ. ამის თქმის უფლებას მაძლევს, რაგბის კავშირის და სამინისტროს მიერ, სახელმწიფოს მხარდაჭერით განხორციელებული არაერთი, მნიშვნელოვანი ინფრასტრუქტურული პროექტი, რომელმაც ქართული რაგბის განვითარებას ახალი, მძლავრი ბიძგი მისცა და ქართულ რაგბს მსოფლიოს სარაგბო ოჯახში პოზიციები განუმტკიცა".

სამინისტროს პრესსამსახური

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.  
კატეგორია : სამინისტროს სიახლეები თარიღი : 2018 თებერვალი 21
  20 თებერვალს,  კულტურისა და სპორტის სამინისტროში  გაიმართა ხელბურთისა და ფუტსალის სასკოლო ოლიმპიადაში გამარჯვებული სკოლის მოსწავლეების გაცილების ცერემონია მსოფლიოს სასკოლო ჩემპიონატზე. ხელბურთის ჩემპიონატი 21 თებერვლიდან 1 მარტის ჩათვლით ყატარის დედაქალაქ დოჰაში გაიმართება, ხოლო ფუტსალის ჩემპიონატს 13 მარტიდან 21 მარტამდე ისრაელის ქალაქი რიშონ ლეზიონი უმასპინძლებს.    
კატეგორია : სამინისტროს სიახლეები თარიღი : 2018 თებერვალი 19
19 თებერვალს, სილიკონი ველი თბილისის ტერიტორიაზე (ვაკე, ბაგები, ჭავჭავაძის #82, „სილიკონი ველი თბილისის" ტერიტორია) ახალი სპორტკომპლექსი გაიხსნა.  
კატეგორია : სამინისტროს სიახლეები თარიღი : 2018 თებერვალი 17
16-17 თებერვალს ბაკურიანი საერთაშორისო სათხილამურო ფედერაციის (FIS) ეგიდით სკი კროსში გამართულ შეჯიბრს მასპინძლობს. ღონისძიებას კულტურისა და სპორტის მინისტრის პირველი მოადგილე კახი კანდელაკი და სპორტის პოლიტიკისა და მართვის დეპარტამენტის უფროსი ირაკლი დოლაბერიძე დაესწრნენ. პროცესს ხელმძღვანელობენ საერთაშორისო სპეციალისტები: ავსტრიიდან კლაუს ვალდნერი - ტრასის უფროსი; საფრანგეთიდან  ბესი გირლანდო - ტრასის მშენებელი და FIS -ის დელეგატი გერმანელი რაინარდ რუდოლფ კრამპფელი. ის აერთიანებს  სათხილამურო და სნოუბორდის ფრისტაილს.  
კატეგორია : სამინისტროს სიახლეები თარიღი : 2018 თებერვალი 15
საქართველოს კულტურისა და სპორტის მინისტრი მიხეილ გიორგაძე, პირველ მოადგილე კახი კანდელაკთან ერთად, 15 თებერვალს, სახელოვანი ქართველი ჩოგბურთელის, ლეილა მესხის სახელობის სპორტულ-გამაჯანსაღებელი კომპლექსის გახსნის ცერემონიას დაესწრო.