სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
            01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31          

ხელბურთისა და ფუტსალის გუნდები მსოფლიოს სასკოლო ჩემპიონატზე მიემგზავრებიან

თარიღი: 2018 თებერვალი 21

20 თებერვალს,  კულტურისა და სპორტის სამინისტროში  გაიმართა ხელბურთისა და ფუტსალის სასკოლო ოლიმპიადაში გამარჯვებული სკოლის მოსწავლეების გაცილების ცერემონია მსოფლიოს სასკოლო ჩემპიონატზე.

ხელბურთის ჩემპიონატი 21 თებერვლიდან 1 მარტის ჩათვლით ყატარის დედაქალაქ დოჰაში გაიმართება, ხოლო ფუტსალის ჩემპიონატს 13 მარტიდან 21 მარტამდე ისრაელის ქალაქი რიშონ ლეზიონი უმასპინძლებს.

ფოთის მე-2 საჯარო სკოლის გოგონების,  წყალტუბოს მე-4 საჯარო სკოლის ვაჟთა და  თბილისის 149-ე საჯარო სკოლის ვაჟთა გუნდებს შეხვდნენ  -  კულტურისა და სპორტის მინისტრი მიხეილ გიორგაძე, განათლებისა და მეცნიერების მინისტრის მოადგილე ლია გიგაური, ფეხბურთის ფედერაციის ვიცე- პრეზიდენტი ალექსანდრე იაშვილი, იმერეთის გუბერნატორი გივი ჭიჭინაძე,  წყალტუბოს მერი გრიგოლ იოსელიანი,  სასკოლო სპორტისა და ხელბურთის ფედერაციის პრეზიდენტები: კოტე ამირეჯიბი და ზურაბ კაკაბაძე. ღონისძიებას ასევე დაესწრო ოლიმპიადის გენერალური სპონსორის, „ვითიბი ბანკის" ვიცე-პრეზიდენტი გიორგი ბარკალაია.

მსოფლიო სასკოლო ჩემპიონატზე გამგზავრების წინ გუნდებს გადაეცათ ეროვნული დროშები.

საქართველოს ბავშვთა და სასკოლო სპორტის ეროვნული ფედერაცია საქართველოს კულტურისა და სპორტის სამინისტროსა და განათლებისა და მეცნიერების სამინისტროს ხელშეწყობით წარმატებით ახორციელებს მასშტაბურ მასობრივ  სპორტულ პროგრამას - "საქართველოს სასკოლო სპორტული ოლიმპიადა".

2017-18 წლებში სასკოლო ოლიმპიადაში თბილისიდან და რეგიონებიდან  ჩართულია 100 ათასამდე მოსწავლე.

საქართველოს სასკოლო სპორტული ოლიმპიადის პროგრამის მთავარი მიზანია მოსწავლე ახალგაზრდობის ფიზიკურ აქტივობასა და სპორტში მასობრივი ჩართულობის სტიმულირება, სასკოლო სპორტის განვითარების ხელშეწყობა და მოზარდ თაობაში ჯანსაღი ცხოვრების წესის დამკვიდრება. ოლიმპიადის საშეჯიბრო სისტემა მოიცავს როგორც ეროვნულ, ისე საერთაშორისო ღონისძიებებს სკოლების გუნდებს შორის.  ეროვნულ დონეზე - მუნიციპალურ, რეგიონულ, ზონალურ და დასკვნით თამაშებს, ხოლო საერთაშორისო დონეზე - სასკოლო მსოფლიო და ევროპის ჩემპიონატებს.

ოლიმპიადის შეჯიბრებები ტარდება 9 სახეობაში, სადაც მონაწილეობენ საჯარო და კერძო სკოლების ნაკრები გუნდები, ესენია:

 1.   მინი-ფეხბურთი - ფუტსალი (ვაჟები);


2.   3x3 კალათბურთი (გოგონები, ვაჟები);


3.   მაგიდის ჩოგბურთი (გოგონები, ვაჟები);


4.   კროსი - (გოგონები, ვაჟები);


5.   ფრენბურთი (გოგონები, ვაჟები);


6.   ხელბურთი (გოგონები, ვაჟები);


7.   ბადმინტონი (გოგონები, ვაჟები).


8.   სპორტულ-შემეცნებითი ოლიმპიადა (გოგონები და ვაჟები ერთად)


9.   მხიარული სტარტები (გოგონები და ვაჟები ერთად) - დაწყებითი და საბაზო კლასების მოსწავლეებისათვის.  

2018 წლის სასკოლო მსოფლიო ჩემპიონატების საგზურების მფლობელები გახდნენ:


1. ხელბურთში - ფოთის მე-2 საჯარო სკოლის გოგონებისა და წყალტუბოს მე-4 საჯარო სკოლის ვაჟთა გუნდები (2018 წლის 21.02- 01.03 - ყატარი, დოჰა);

2. მინი ფეხბურთში (ფუტსალში) - თბილისის 149-ე საჯარო სკოლის ვაჟთა გუნდი (2018 წლის 13-21 მარტი, ისრაელი, რიშონ ლეზიონ);

3. გეზრბენში (კროსი) - ახალციხის მე-3 საჯარო სკოლის გოგონებისა და თბილისის 120-ე საჯარო სკოლის ვაჟთა გუნდები (2018 წლის 2-7 აპრილი - საფრანგეთი, პარიზი);

4. მაგიდის ჩოგბურთში - ქედის მუნიციპალიტეტის სოფელ ვაიოს საჯარო სკოლის გოგონებისა და თბილისის 90-ე საჯარო სკოლის ვაჟთა გუნდები (2018 წლის 8-14 აპრილი მალტა, გზირა);

5. ბადმინტონში - ქუთაისის 21-ე საჯარო სკოლის გოგონებისა და თბილისის 98-ე საჯარო სკოლის ვაჟთა გუნდები ( 2018 წლის 19.04 - 25.04  - ინდოეთი, პუნა);

6. გიმნაზიადა (იგივე სასკოლო ოლიმპიადა)  - 2-9 მაისის ჩათვლით, მაროკოში ქალაქ მარაკეშში - საქართველოს სხვადასხვა სკოლის 16 მოსწავლე მონაწილეობას მიიღებს - კარატეში, ძიუდოში, თავისუფალ და ბერძნულ-რომაულ ჭიდაობებში;

7. ფრენბურთში - ბოლნისის N1 საჯარო სკოლის გოგონებისა და მაღლაკის N1 საჯარო სკოლის ვაჟთა გუნდები ( 2018 წლის 2-10 ივნისი - ჩეხეთი, ბრნო);

8. 3x3-ზე კალათბურთში - თელავის N1 საჯარო სკოლის გოგონებისა და ქუთაისის მე-3 საჯარო სკოლის ვაჟთა გუნდები (2018 წლის 23-29 ივნისი - სერბეთი, ბელგრადი);

სამინისტროს პრესსამსახური

 

 

სხვა ახალი ამბები
კატეგორია : სამინისტროს სიახლეები თარიღი : 2018 თებერვალი 23
საქართველოს ნაკრებმა საღამოს ვარჯიში მაიკლ დიქსონთან ერთად ჩაატარა. ამერიკელი მწვრთნელებმა ბოლოდე დატვირთეს და ცხადია კომბინაციების დამუშავების დროსაც მას გამორჩეული ადგილი ეკავა - დიქსონი ხვალინდელ შეხვედრაში ეროვნული გუნდის უმთავრესი იმედია.საქართველოს ნაკრების "შხვეხატ არენაზე"მისვლის შედეგ მოედანი დატოვა ავსტრიის ნაკრებმა.  
კატეგორია : სამინისტროს სიახლეები თარიღი : 2018 თებერვალი 22
23-25 თებერვალს, საქართველოს ეროვნული ნაკრების წევრები ძიუდოში, გერმანიის ქალაქ დიუსელდორფის პრესტიჟულ საერთაშორისო ტურნირზე - დიუსელდორფის გრან სლემზე მიიღებენ მონაწილეობას. დიუსელდორფის გრან სლემზე, მედლებისთვის მსოფლიოს 71 ქვეყნის 500 ძიუდოისტი იბრძოლებს მამაკაცთა და ქალთა შორის. 23, 24 და 25 თებერვალს წინასწარი შეხვედრები 3 ტატამზე თბილისის დროით 13:00 საათიდან დაიწყება, ფინალური ბლოკი კი 20:00 საათიდან აიღებს სტარტს.
კატეგორია : სამინისტროს სიახლეები თარიღი : 2018 თებერვალი 22
საქართველოს ნაკრები ავსტრიასთან მატჩისთვის მზადებას განაგძობს. ეროვნულმა გუნდმა "შვეხატ არენაზე" მეორე ვარჯიში გამართა. საწვრთნელ პროცესში ინტენსიურად არის ჩართული ზუროსის თანაშემწე - გიორგიოს ლიმნიატისი, რომელიც მოთამაშეებთან ინდივიდუალურად მუშაობს.  
კატეგორია : სამინისტროს სიახლეები თარიღი : 2018 თებერვალი 22
საქართველოს კალათბურთელთა ნაკრებმა ვენაში პირველი ვარჯიში გამართა. ილიას ზუროსის გუნდი "შვეხატ არენაზე" 1 საათის და 15 წუთის განმავლობაში დაიტვირთა. ბერძენმა სპეციალისტმა გუნდი კომბინაციებზე ავარჯიშა. დიდი ყურადღება დაეთმო დაცვაში თამაშს და სხვადასხვა ტაქტიკური მონახაზის დამუშავებას. ნაკრების 12-ივე კალათბურთელი თავს კარგად გრძნობს. ერთადერთი ვისაც ტრამვის პრობლემა ჰქონდა, ეს გამოცდილი გამთამაშებელი გიორგი ცინცაძეა, რომელმაც ნაკრების ექიმის თემურ ხვედელიძის განცხადებით რეაბილიტაციის პროცესი წარმატებით გაიარა და 23 თებერვლის მატჩისთვის მზად იქნება. ეროვნულმა გუნდმა ვენაში ერთ-ერთი ლიდერის მაიკლ დიქსონის გარეშე ივარჯიშა. დიქსონი გუნდს ხვალ შეუერთდება და საწვრთნელ პროცესში ჩაერთვება. ზუროსი გუნდს 22 თებერვალს ორჯერ ავარჯიშებს - დილას და საღამოს.  
კატეგორია : სამინისტროს სიახლეები თარიღი : 2018 თებერვალი 21
საქართველოს კალათბურთელთა ეროვნული ნაკრები ჩარტერული რეისით ავსტრიის დედაქალაქ ვენაში ჩაფრინდა და სასტუმრო "ქორთიარდ მერიოტში" დაბინავდა.