27 ოქტომბერს, სპორტისა და ახალგაზრდობის საქმეთა მინისტრის პირველი მოადგილე და სამინისტროს დეპარტამენტების ხელმძღვანელები არასამთავრობო ორგანიზაციების წარმომადგენლებს შეხვდნენ. შეხვედრაზე მონაწილეებმა დოკუმენტი „საქართველოს ეროვნული ახალგაზრდული პოლიტიკა" სამუშაო ვერსია განიხილეს. შეხვედრა ბავშვთა და ახალგაზრდობის ეროვნულ ცენტრში გაიმართა.    

19 სექტემბერს, სპორტისა და ახალგაზრდობის საქმეთა სამინისტრომ თბილისის სახელმწიფო უნივერსიტეტის მე-2 კორპუსში დოკუმენტის -  „საქართველოს ახალგაზრდული პოლიტიკა" პრეზენტაცია ჩაატარა. თბილისის სხვადასხვა უნივერსიტეტის თვითმართველობების ხელმძღვანელებსა და სტუდენტებს მ ინისტრი ვლადიმერ ვარძელაშვილი, მისი მოაგილე გიორგი ავალიანი და  ბავშვთა და ახალგაზრდობის ეროვნული ცენტრის დირექტორი - თათია ელიაძე შეხვდნენ.     

1 ოქტომბერს საქართველოს სპორტისა და ახალგაზრდობის საქმეთა მინისტრი - ლადო ვარძელაშვილი, პირველ მოადგილე გიორგი ავალიანთან და ახალგაზრდობის საქმეთა დეპარტამენტის უფროს - ჯუმბერ ზურაბიანთან ერთად, აშშ-ს საერთაშორისო განვითარების სააგენტო - USAID-ისა და ორგანიზაცია PH International-ის (პროექტი ჰარმონია) წარმოამდგენლებს სამინისტორში შეხვდა. 

საქართველოს სპორტისა და ახალგაზრდობის საქმეთა მინისტრი - ლადო ვარძელაშვილი 21-23 სექტემბერს ბაქოში გამართულ ევროპის ქვეყნების სპორტის მინისტრების მე-18 მინისტერიალზე იმყოფებოდა. მინისტერიალზე მიღებული გადაწყვეტილების თანახმად, საქართველო ევროპის საბ ჭოსთან არსებულ საერთაშორისო სპორტულ ორგანიზაცია "ე.პ.ა.ს" - ში გაწევრიანდება. 

24 სექტემბერს,  საქართველოს სპორტისა და ახალგაზრდობის საქმეთა მინისტრი - ვლადიმერ ვარძელაშვილი  მსოფლიო ბანკის ევროპის და ცენტრალური აზიის რეგიონის პროგრამების კოორდინატორს - ვალერია მორიკას სამინისტროში შეხდა. შეხვედრის ფარგლებში მოხდა იაპონიის მთავრობის მიერ დაფინანსებული და მსოფლი ბანკის მიერ მხარდაჭერილი პროექტის შუალედური შეფასება.     

ახალგაზრდა ევროპარლამენტარების საერთაშორისო ფორუმი, რომელიც საქართველოს პრეზიდენტის პატრონაჟით და საქართველოს სპორტისა და ახალგაზრდობის საქმეთა სამინისტროს ხელშეწყობით იმართება, 15 სექტემბერს სასტუმრო „შერატონ ბათუმში" ოფიციალურად გაიხსნა. ფორუმი საქართველოს სახელმწიფო მინისტრმა გია ბარამიძემ გახსნა. 

28 აგვისტოს საღამოს 22:00 საათზე ანაკლიის პატრიოტთა ბანაკში საზღვარგარეთ მცხოვრებ ქართული დიასპორის ახალგაზრდებთან  და ბელორუსიიდან დასასვენებლად ჩამოსულ სტუმრებთან გამოსათხოვარი საღამო გაიმართება, რომელსაც საქართველოს სპორტისა და ახალგაზრდობის საქმეთა მინისტრის მოადგილე - სულხან სიბაშვილი და დიასპორის საკითხებში საქართველოს სახელმწიფო მინისტრის მოადგილე - ირაკლი ნადირაძე დაესწრებიან.

18 ივნისს თბილისში სასტუმრო "სიმპათიაში" პროექტის - "საქართველოში ბავშვთა და მოზარდთა ფიზიკური განათლებისა და სპორტში მათი მასობრივად ჩაბმის ერთიანი ეროვნული სტრატეგია და სამოქმედო გეგმა" განხილვა გაიმართა. პროექტზე პარლამენტის სპორტისა და ახალგაზრდულ საქმეთა კომიტეტი და კომიტეტთან არსებული სპორტის განვითარების ექსპერტთა საბჭო, UNICEF-თან და USAID-თან, ასევე ორგანიზაცია world Learning-თან ერთად მუშაობენ.