სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
    04 05
16 18 19
20 21 22 23 24 25 26
27 28 29 30      

მოსწავლეთა პროფესიული ორიენტაციის ხელშეწყობის პროგრამა

თარიღი: 2013 დეკემბერი 23

23 დეკემბერს, სპორტისა და ახალგაზრდობის საქმეთა სამინისტროში მოსწავლეთა პროფესიული ორიენტაციის ხელშეწყობის პროგრამის ფარგლებში შექმნილი ვებ-გვერდისა და პროფორიენტაციის გზამკვლევის პრეზენტაცია გაიმართა.

მოსწავლეთა პროფესიული ორიენტაციის ხელშეწყობის პროგრამა   მიზნად ისახავს  დაეხმაროს ახალგაზრდებს პროფესიის არჩევაში და  პროფესიული ცხოვრების დაგეგმვაში.   აღნიშნული პროექტის საშუალებით, მოზარდები შეძლებენ მათი პიროვნულ-ინდივიდუალური მახასიათებლების გამოვლენას და პროფესიული საქმიანობის ისეთი სფეროს შერჩევას, სადაც ისინი შეძლებენ თვითრეალიზებას.  

აღნიშნული პროგრამის  ფარგლებში  ახალგაზრდობის საქმეთა დეპარტამენტმა შექმნა პროფესიული  ორიენტაციის  ინტერაქტიული  ვებ-გვერდი - http://myprofession.ge/ და პროფორიენტაციის გზამკვლევი/სახელმძღვანელო მოზარდებისათვის.

პროფესიული ორიენტაციის  ვებ-გვერდის შესაქმენლად ჩატარდა შესაბამისი კვლევები და  შეიქმნა ადაპტირებული ფსიქოდიაგნოსტიკური ტესტები, რომლებიც სხვა საკითხავ მასალებთან ერთად განთავსდა ვებ-გვერდზე http://myprofession.ge/.

პროფორიენტაციის გზამკვლევი  დაეხმარება მოზარდებს  საკუთარი ინტერესებისა და შესაძლებლობების უკეთ გარკვევში. სახელმძღვანელო ამ სფეროში არსებული უახლესი ლიტერატურის ანალიზის საფუძველზე შეიქმნა. დარგის ექსპერტებმა შინაარსობრივად დაამუშავეს უახლესი ლიტერატურის თარგმანები, მოახდინეს სახელმძღვანელოს სამეცნიერო და ენობრივი რედაქტირება და  ამჟამად მიმდინარეობს გზამკვლევის 1000 ეგზემპლარის ბეჭდვა. სახელმძღვანელო ელექტრონული სახით განთავსდა პროფორიენტაციის ვებ-გვერდზე.

მოზარდებს და ახალგაზრდებს, რომლებიც ისარგებლებენ აღნიშნული ვებ-გვერდით  საშუალება მიეცემათ ფსიქოლოგიური ტესტების, კითხვარების, სხვადასხვა საჭირო  მასალების და გზამკვლევის მეშვეობით მიიღონ ინფორმაცია თავიანთი უნარების, შესაძლებლობების, ძირითადი პიროვნული მახასიათებლებისა და  პროფესიებთან შესატყვისი ფსიქოტიპების შესახებ. მიღებული ინფორმაცია მათთვის იქნება ერთგვარი რეკომენდაცია მომავალი პროფესიის ასარჩევად.      

მოსწავლეთა პროფესიული ორიენტაციის ხელშეწყობის პროგრამის  ფარგლებში გაფორმდა ურთიერთთანამშრომლობის  მემორანდუმი სამინისტროსა და  ორგანიზაცია WORLD VISION GEORGIA-ის წარმომადგენლებთან.  პროფორიენტაციის გზამკვლევი/სახელმძღვანელო მოზარდებისათვის მომზადდა WORLD VISION GEORGIA-ს ფინანსური მხარდაჭერით.

სამინისტრო 2014 წელსაც გეგმავს სხვადსხვა სახის ღონისძიებების განხორციელებას პროფესიული ორიენტაციის ხელშეწყობის პროგრამის ფარგლებში.



სამინისტროს პრესსამსახური

სხვა ახალი ამბები
კატეგორია : ახალგაზრდობა თარიღი : 2017 ნოემბერი 06
ზემო ნიქოზის მეკლდეურთა კლუბი სპორტის და ახალგაზრდობის სამინისტროს დახმარებით 2017 წლიდან  ფუნქციონირებს.  კლუბში უკვე გაწევრიანებული არიან ადგილობრივი ახალგაზრდები, რომლებიც ყოველდღიურად ვარჯიშობენ თანამედროვე ინფრასტრუქტურით და უსაფრთხოების მექანიზმებით აღჭურვილ კლუბში და ქვეყნის მასშტაბით გამართულ შეჯიბრებებზეც აქტიურად გამოდიან.
კატეგორია : ახალგაზრდობა თარიღი : 2017 ოქტომბერი 30
  სპორტისა და ახალგაზრდობის საქმეთა სამინისტროს პროექტის ,,მეწარმეობის რეგიონული სკოლა''შემაჯამებელი ღონისძიება - დემო დღე, ახალგაზრდა მეწარმეების პროდუქტების გამოფენა„ფაბრიკაში" გაიმართა.პროექტის მონაწილებმა წარმოადგინეს პროექტის ფარგლებში შექმნილი პროტოტიპები - იმ ნაწარმისა და პროდუქციის პირველადი ვერსია, რომლის წარმოების იდეაც სწორედ პროექტის მსვლელობისას გაჩნდა. პროექტში ჩართულნი არიან  ახალგაზრდებიგორიდან, ზუგდიდიდან, ახალციხიდან და  პანკისის ხეობიდან.    
კატეგორია : ახალგაზრდობა თარიღი : 2017 ოქტომბერი 27
სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის დაფინანსებით წეროვანის დევნილთა დასახლებაში სოციალური საწარმო განახლდა. პროექტის მიზანი წეროვანში მდებარე სოციალური საწარმო „იკორთას" ეკონომიკური გაძლიერება და ადგილობრივი ახალგაზრდებისთვის საწარმოში დასაქმების მიზნით პროფესიული გადამზადების კურსების ჩატარება იყო. პროექტის ფარგლებში საწარმო აღიჭურვა საჭირო ტექნიკითა და ინვენტარით. „იკორთაში" ამ ეტაპზე მუდმივადაა დასაქმებული დევნილთა დასახლებაში მცხოვრები 6 ახალგაზრდა. სასწავლო კურსი მათ მინანქრის ოსტატმა საწარმოში დასაქმებულ 6 ახალგაზრდას ჩაუტარა სასწავლო კურსი.  
კატეგორია : ახალგაზრდობა თარიღი : 2017 ოქტომბერი 19
  ევროსაბჭოსა და ევროკავშირის ახალგაზრდული პარტნიორობა აცხადებს რეგისტრაციას უფასო 6 კვირიან ონლაინ სასწავლო კურსზე ახალგაზრდობის პოლიტიკის შესახებ. რეგისტრაციისთვის მიჰყევით ბმულს.     
კატეგორია : ახალგაზრდობა თარიღი : 2017 ოქტომბერი 13
  სპორტისა და ახალგაზრდობის საქმეთა სამინისტროს დაფინანსებით თბილისში კიდევ ერთი სოციალური საწარმო ამოქმედდა. საწარმოში ახალგაზრდებს ეძლევათ შესაძლებლობა შეისწავლონ ლითონებსა და ტიხრულ მინანქარზე მუშაობა. პროექტი სსიპ ბავშვთა და ახალგაზრდობის განვითარების ფონდის მხარდაჭერით ახალგაზრდა ფინანსისტთა და ეკონომისტთა ასოციაციამ განახორციელა.