სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
    04 05
16 18 19
20 21 22 23 24 25 26
27 28 29 30      

იყავი შენი ქვეყნის ახალგაზრდა ელჩი!

თარიღი: 2014 აგვისტო 15

15 აგვისტოს სპორტისა და ახალგაზრდობის საქმეთა სამინისტროში ჩატარდა პრესკონფერენცია, სადაც „საქართველოს ახალგაზრდა ელჩების პროგრამის" ორგანიზატორი და მხარდამჭერი უწყებების წარმომადგენლებმა - სპორტისა და ახალგაზრდობის საქმეთა მინისტრის მოადგილემ რატი ბრეგაძემ, დიასპორის საკითხებში საქართველოს სახელმწიფო მინისტრმა გელა დუმბაძემ და საქართველოს საგარეო საქმეთა მინისტრის მოადგილემ დავით ჯალაღანიამ ისაუბრეს აღნიშნული პროექტის, მისი მნიშვნელობისა და მიზნების შესახებ.

პროექტი სპორტისა და ახალგაზრდობის საქმეთა სამინისტროს ინიციატივით ხორციელდება და მისი აქტიური მხარდამჭერები არიან დიასპორის საკითხებში საქართველოს სახელმწიფო მინისტრის აპარატი, რომელიც მიაწვდის ინფორმაციას საზღვარგარეთ მცხოვრებ ქართველ ახალგაზრდებს და საგარეო სამქეთა სამინისტრო, რომელიც შუამავლის ფუნქციას შეასრულებს პროექტის მომავალ მონაწილეებსა და სხვადასხვა ქვეყნების საელჩოებს შორის.

ინფორმაცია პროექტის შესახებ

2014 წლის 18 აგვისტოს სტარტს იღებს კონკურსი „საქართველოს ახალგაზრდა ელჩების" შესარჩევად მსოფლიოს 10 ქვეყანაში (კონკურსში მონაწილეობის უფლება აქვთ მხოლოდ იმ ახალგაზრდებს, რომლებიც ცხოვრობენ ამ ქვეყნებში)

1. ამერიკის შეერთებული შტატები;
2. გერმანიის ფედერაციული რესპუბლიკა;
3. საფრანგეთი;
4. დიდი ბრიტანეთი;
5. ავსტრია;
6. ლიტვა;
7. პოლონეთი;
8. უკრაინა;
9. ჩეხეთი;
10. თურქეთი;

 

პროექტის საშუალებით იმ ახალგაზრდებს, რომლებიც ცხოვრობენ საზღვარგარეთ, შესაძლებლობა მიეცემათ ერთწლიანი მანდატით გახდნენ „ახალგაზრდა ელჩები" ადგილსამყოფელ ქვეყნებში და მოახდინონ მათი თანატოლი ქართველი და უცხოელი ახალგაზრდების ინფორმირება ჩვენი ქვეყნის ეკონომიკის, განათლების, კულტურის, სპორტის, ახალგაზრდული პოლიტიკისა და ისტორიის შესახებ.

„ახალგაზრდა ელჩების" მთავარი ამოცანა არის იმ კულტურული, საგანმანათლებლო და სპორტული ღონისძიებების განხორციელება, რომელთა მიზანს საქართველოს პოპულარიზაცია წარმოადგენს. ამ პროექტებში მონაწილე ახალგაზრდებისაგან ჩამოყალიბდება  საქართველოს უცხოელ ახალგაზრდა მეგობართა ქსელი.

შერჩეულ „ახალგაზრდა ელჩებს", წინასწარ შედგენილი სამოქმედო გეგმისა და საკუთარი ინიციატივების საფუძველზე, საშუალება მიეცემათ განახორციელონ სხვადასხვა კულტურულ-შემოქმედებითი, სპორტული, საგანმანათლებლო და სხვა სახის პროექტები, რომლებშიც მონაწილეობას მიიღებენ  ადგილობრივი ქვეყნის სხვადასხვა ქალაქში მცხოვრები ქართველი და უცხოელი ახალგაზრდები.

კონკურსის შედეგად შერჩეული „ახალგაზრდა ელჩები" საქართველოში გამართავენ „ახალგაზრდულ ამბასადორიალს", რომლის ფარგლებშიც ისინი წარმოადგენენ საკუთარ ინიციატივებს და ერთი წლის სამოქმედო გეგმას. ასევე, შეხვდებიან ჩვენი ქვეყნის კულტურის, პოლიტიკის, ეკონომიკის, დიპლომატიური და სხვა სექტორის წარმომადგენლებს.

კონკურსში მონაწილეობის მიღების უფლება აქვს საქართველოს მოქალაქეს (18-29 წლის), რომელიც ცხოვრობს საზღვარგარეთ და ფლობს საქართველოს სახელმწიფო ენას.

დეტალური ინფორმაცია საკონკურსო მოთხოვნების შესახებ იხილეთ ბმულზე

კონკურსში მონაწილეობის მსურველებმა, 2014 წლის 18 აგვისტოდან 8 სექტემბრის ჩათვლით, უნდა წარმოადგინონ  დოკუმენტები.

წარმოსადგენი დოკუმენტების სრული ჩამონათვალი იხილეთ ბმულზე

საკონკურსო განაცხადი

განცხადება მინისტრის სახელზე

საკონკურსო დოკუმენტაციის წარმოდგენა შესაძლებელია საქართველოს სპორტისა და ახალგაზრდობის საქმეთა სამინისტროს კანცელარიაში, 2014 წლის 18 აგვისტოდან  8 სექტემბრის  ჩათვლით, ყოველ სამუშაო დღეს, მისამართზე: ქ. თბილისი, 0162, ვაკის რაიონი, ჭავჭავაძის გამზ. 49ა

 ან ელექტრონული (დასკანერებული) ფორმით ელ.ფოსტაზე b.bendeliani@msy.gov.ge 

კონკურსი ჩატარდება ორ ეტაპად:

პირველი ეტაპი - საკონკურსო განაცხადების შეფასება/გადარჩევა (კონკურსანტების მიერ წარმოდგენილი განაცხადების განხილვის შედეგად, შეირჩევა კანდიდატები, რომლებიც აკმაყოფილებენ დადგენილ საკონკურსო მოთხოვნებს და სრულყოფილად წარმოადგენენ მოთხოვნილ დოკუმენტაციას. საკონკურსო განაცხადების შეფასება/გადარჩევის განხილვის საფუძველზე, კომისია იღებს გადაწყვეტილებას კონკურსის მეორე ეტაპზე კანდიდატთა გადაყვანის შესახებ).

მეორე ეტაპი - გასაუბრება (გასაუბრების დროს ფასდება კანდიდატის შესაბამისობის დონე დადგენილ მოთხოვნებთან, მოტივაცია და პიროვნული თვისებები. იმ შემთხვევაში, თუ აპლიკანტი იმყოფება საზღვარგარეთ გასაუბრება ჩატარდება სკაიპით).

სააპლიკაციო ფორმის შევსებასთან ან კონკურსთან დაკავშირებით დამატებითი ინფორმაციის მიღება შესაძლებელია პროექტის კოორდინატორთან. (ბექა ბენდელიანი ტელ: +(995) 598300996; E-mail: b.bendeliani@msy.gov.ge)

სხვა ახალი ამბები
კატეგორია : ახალგაზრდობა თარიღი : 2017 ნოემბერი 06
ზემო ნიქოზის მეკლდეურთა კლუბი სპორტის და ახალგაზრდობის სამინისტროს დახმარებით 2017 წლიდან  ფუნქციონირებს.  კლუბში უკვე გაწევრიანებული არიან ადგილობრივი ახალგაზრდები, რომლებიც ყოველდღიურად ვარჯიშობენ თანამედროვე ინფრასტრუქტურით და უსაფრთხოების მექანიზმებით აღჭურვილ კლუბში და ქვეყნის მასშტაბით გამართულ შეჯიბრებებზეც აქტიურად გამოდიან.
კატეგორია : ახალგაზრდობა თარიღი : 2017 ოქტომბერი 30
  სპორტისა და ახალგაზრდობის საქმეთა სამინისტროს პროექტის ,,მეწარმეობის რეგიონული სკოლა''შემაჯამებელი ღონისძიება - დემო დღე, ახალგაზრდა მეწარმეების პროდუქტების გამოფენა„ფაბრიკაში" გაიმართა.პროექტის მონაწილებმა წარმოადგინეს პროექტის ფარგლებში შექმნილი პროტოტიპები - იმ ნაწარმისა და პროდუქციის პირველადი ვერსია, რომლის წარმოების იდეაც სწორედ პროექტის მსვლელობისას გაჩნდა. პროექტში ჩართულნი არიან  ახალგაზრდებიგორიდან, ზუგდიდიდან, ახალციხიდან და  პანკისის ხეობიდან.    
კატეგორია : ახალგაზრდობა თარიღი : 2017 ოქტომბერი 27
სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის დაფინანსებით წეროვანის დევნილთა დასახლებაში სოციალური საწარმო განახლდა. პროექტის მიზანი წეროვანში მდებარე სოციალური საწარმო „იკორთას" ეკონომიკური გაძლიერება და ადგილობრივი ახალგაზრდებისთვის საწარმოში დასაქმების მიზნით პროფესიული გადამზადების კურსების ჩატარება იყო. პროექტის ფარგლებში საწარმო აღიჭურვა საჭირო ტექნიკითა და ინვენტარით. „იკორთაში" ამ ეტაპზე მუდმივადაა დასაქმებული დევნილთა დასახლებაში მცხოვრები 6 ახალგაზრდა. სასწავლო კურსი მათ მინანქრის ოსტატმა საწარმოში დასაქმებულ 6 ახალგაზრდას ჩაუტარა სასწავლო კურსი.  
კატეგორია : ახალგაზრდობა თარიღი : 2017 ოქტომბერი 19
  ევროსაბჭოსა და ევროკავშირის ახალგაზრდული პარტნიორობა აცხადებს რეგისტრაციას უფასო 6 კვირიან ონლაინ სასწავლო კურსზე ახალგაზრდობის პოლიტიკის შესახებ. რეგისტრაციისთვის მიჰყევით ბმულს.     
კატეგორია : ახალგაზრდობა თარიღი : 2017 ოქტომბერი 13
  სპორტისა და ახალგაზრდობის საქმეთა სამინისტროს დაფინანსებით თბილისში კიდევ ერთი სოციალური საწარმო ამოქმედდა. საწარმოში ახალგაზრდებს ეძლევათ შესაძლებლობა შეისწავლონ ლითონებსა და ტიხრულ მინანქარზე მუშაობა. პროექტი სსიპ ბავშვთა და ახალგაზრდობის განვითარების ფონდის მხარდაჭერით ახალგაზრდა ფინანსისტთა და ეკონომისტთა ასოციაციამ განახორციელა.