სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
          01 02
07 09
15 16
22 23
24 25 26 27 28 29 30
31            

ახალგაზრდული იდეების კონკურსი დაიწყო

თარიღი: 2017 მარტი 01

სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდმა ახალგაზრდული იდეების კონკურსი გამოაცხადა.

კონკურსის მთავარი მიზანი ახალგაზრდული ორგანიზაციების მხარდაჭერა, სხვადასხვა თემაზე პროექტების დაფინანსება და ახალგაზრდების დასაქმების ხელშეწყობა. ბავშვთა და ახალგაზრდობის განვითარების ფონდი არის სახელმწიფო უწყება, რომელიც იდეების პროგრამის განხორციელებით ხელს უწყობს ქვეყანაში ახალგაზრდების სხვადასხვა კუთხით განვითარებას, მათ არაფორმალურ განათლებას, ახალგაზრდული არასამთავრობო სექტორის გაძლიერებას და ახალი არასამთავრობო ორგანიზაციების შექმნას, ახალგაზრდების დასაქმებას მათივე იდეების ფარგლებში და სამუშაო გამოცდილების დაგროვებას, საქართველოს მუნიციპალიტეტებში ახალგაზრდების მიერ ინიცირებული საინტერესო იდეების განხორციელებას გადაწყვეტილების მიღების, კულტურის, განათლების, სოციალური მეწარმეობის, გარემოს დაცვის სფეროებში.

კონკურსში მონაწილეობის მიღება შეუძლიათ ახალგაზრდულ ორგანიზაციებს, რომლებიც საკუთარ იდეებს წარმოადგენენ წინასწარ შემუშავებული კრიტერიუმების შესაბამისად.

კონკურსთან დაკავშირებული სიახლეები, პროგრამული პრიორიტეტები და შეფასების კრიტერიუმები ბავშვთა და ახალგაზრდობის განვითარების ფონდის დირექტორმა ირაკლი ჟორჟოლიანმა არასამთავრობო ორგანიზაციების წარმომადგენლებს გააცნო.

იდეების კონკურსით დაინტერესებულებს მინისტრმა მიმართა და აღნიშნა, რომ 2013 წლიდან დღემდე ფონდმა 210 პროექტი დააფინანსა, მათ შორის 42 სოციალური საწარმოა. ამ პერიოდის განმავლობაში 1 000-ზე მეტი ახალგაზრდა დასაქმდა. სწორედ ასეთი მაგალითები და გასულ წლებში განხორციელებული პროექტები ქმნის წარმატებულ პრეცედენტებს და დამატებით სტიმულს აძლევს ფონდის პოტენციურ ბენეფიციარებსაც.

საზოგადოებას მიესალმა ხის ოსტატი ზაზა გათენაშვილი, რომელმაც თავის შეგირდებთან ერთად ღონისძიებაზე მცირე გამოფენა წარმოადგინა. მისი თქმით წეროვანში, სადაც დევნილების კომპაქტური ჩასახლებაა, არანაირი რესურსი არ გააჩნდა სახელოსნოს მოსაწყობად. სამინისტროსა და ფონდის ხელშეწყობით კი, არათუ საკუთარი სახელოსნო აღჭურვა, არამედ საშუალება მიეცა რომ 30-მდე შეგირდიც აეყვანა და მათ ინტენსიურად ასწავლის ხეზე მუშაობას. სახელოსნოში შექმნილი ნაწარმი  ,,ეთნოდიზაინის'' მაღაზიაში იყიდება, მიღებული თანხები წახალისების საშუალებაა, როგორც ოსტატის, ისე მისი შეგირდებისთვის. ახლახან სახელოსნოსთან თანამშრომლობა დაიწყეს ტურისტულმა ორგანიზაციებმაც, რომლებიც უცხოელი ტურისტებისთვის მომზადებულ ტურში ითვალისწინებენ სახელოსნოს დათვალიერებას, რაც ადგილზევე უწყობს ხელს სახელოსნოში შექმნილი ნაკეთობების რეალიზაციას.

ახალგაზრდული იდეების კონკურსის პროგრამული მიმართულებებია:

  1. დასაქმების ხელშეწყობა და არაფორმალური განათლება, რომლებიც თავის მხრივ  მოიცავს  სოციალური მეწარმეობისა  და სკოლიდან სამუშაოზე გადასვლის პროცესის ხელშეწყობას, არაფორმალური განათლების მიღებას და ამ მიმართულებით ახალგაზრდების განვითარებას;
  2. სამოქალაქო  მონაწილეობის გაზრდის ხელშეწყობა, რომელიც მოიცავს  გარემოს დაცვაზე ზრუნვას და ჯანსაღი ცხოვრების წესის პოპულარიზაციას, გადაწყვეტილების მიღების პროცესში  ჩასართავად შესაბამისი უნარ-ჩვევების განვითარებას და კულტურას (განსაკუთრებით კრეატიული ინდუსტრიების განვითარების ხელშეწყობას);

     

    2017 წელს უპირატესობა მიენიჭება:

* რეგიონიდან შემოსულ პროექტებს, აგრეთვე მაღალმთიანი (საქართველოს კანონით „მაღალმთიანი რეგიონების განვითარების შესახებ'') და იძულებით გადაადგილებულ პირთა კომპაქტურად დასახლებული  რეგიონებიდან წარმოდგენილ პროექტებს;

* ეთნიკურ უმცირესობათა წარმომადგენელი ახალგაზრდებისა და სახელმწიფო ახალგაზრდული პოლიტიკის დოკუმენტის (თავი III, პუნქტი III) მიხედვით განსაზღვრული სპეციალური საჭიროებების მქონე ახალგაზრდების, მოწყვლადი ჯგუფების ინტეგრაციას საზოგადოებრივ ცხოვრებაში.

პროექტები მიიღება მხოლოდ ელექტრონული წესით. დაინტერესებული ორგანიზაციები პროექტის წარმოდგენამდე უნდა დარეგისტრირდნენ ფონდის ვებგვერდზე და ამის შემდეგ შეავსონ ელექტრონული აპლიკაცია.

საკონკურსო ვადის დასრულებამდე ფონდი პერიოდულად გამართავს საკონსულტაციო შეხვედრებს თბილისსა და რეგიონებში. პირველი შეხვედრა 9 მარტს, 14:00 საათზე სპორტისა და ახალგაზრდობის საქმეთა სამინისტროს საკონფერენციო დარბაზში გაიმართება. შეხვედრაზე დასწრება თავისუფალია. შეხვედრების განრიგი განთავსდება ფონდის ვებგვერდზე: www.fondi.gov.ge

სამინისტროს პრესსამსახური

 

 

 

სხვა ახალი ამბები
კატეგორია : ახალგაზრდობა თარიღი : 2017 ივლისი 17
16 ივლისს, 21:00  საათზე ანაკლიის „მომავლის ბანაკი" საზეიმოდ გაიხსნა.
კატეგორია : ახალგაზრდობა თარიღი : 2017 ივლისი 14
საქართველოს სპორტისა და ახალგაზრდობის საქმეთა სამინისტროს ახალი პროგრამის ,,ახალგაზრდებში სამეწარმეო კომპეტენციების განვითარების პროგრამის'' ფარგლებში პანკისის ხეობაში,  გორში, ზუგდიდსა და ახალციხეში  ,,მეწარმეობის რეგიონული სკოლის'' მონაწილეთა შესარჩევად კრეათონი გაიმართა.  
კატეგორია : ახალგაზრდობა თარიღი : 2017 ივლისი 12
  სპორტისა და ახალგაზრდობის საქმეთა სამინისტროს მორიგი სოციალური პროექტი „შემოსე თანამოქალაქე" სტარტს დღეიდან იღებს. პროექტს სამინისტრო მეორე წელია აფინანსებს. წელს პროექტი სსიპ „ბავშვთა და ახალგაზრდობის განვითარების ფონდის" დაფინანსებით და ხელშეწყობით განხორციელდება. გასულ წელს საქართველოს მასშტაბით 3 000 ბენეფიციარს დაურიგდა ტანსაცმელი და სათამაშოები. მიმდინარე წელს ორგანიზატორები დაახლოებით იგივე რაოდენობის ბენეფიციარს დაეხმარებიან ქვემო ქართლში, შიდა ქართლში, კახეთსა და მცხეთა-მთიანეთში.
კატეგორია : ახალგაზრდობა თარიღი : 2017 ივლისი 05
თბილისის პირველ გიმნაზიაში სპორტისა და ახალგაზრდობის საქმეთა მინისტრი ტარიელ ხეჩიკაშვილი, მინისტრის მოადგილე რევაზ ჯაველიძე და სსიპ ბავშვთა და ახალგაზრდობის განვითარების ფონდის წარმომადგენლები ფერეიდნელ ახალგაზრდებს შეხვდნენ.
კატეგორია : ახალგაზრდობა თარიღი : 2017 ივნისი 29
სპორტისა და ახალგაზრდობის საქმეთა სამინისტრო მშვიდობის გავითარების ცენტრთან ერთად მეორე წელია ახორციელებს ქართულ-აფხაზური და ქართულ-ოსური არაფორამალური დიალოგის მხარდაჭერის პროგრამას. პროგრამის ფარგლებში შერჩეული არიან 16-დან 29 წლამდე ახალგაზრდები საქართველოს ექვსი ქალაქიდან (თბილისი, ქუთაისი, წყალტუბო, ზუგდიდი, ბათუმი და ფოთი).