სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
    04 05
16 18 19
21 22 23 24 25 26
27 28 29 30      

რევაზ ჯაველიძის სამუშაო ვიზიტი ECOSOC-ს ყოველწლიურ ფორუმზე

თარიღი: 2017 მარტი 02

30-31 იანვარს ქ. ნიუ-იორკში გაიმართა ეკონომიკისა და სოციალური საბჭოს ახალგაზრდობის ყოველწლიური ფორუმი (ECOSOC). ფორუმზა საქართველოს სახელით სიტყვით გამოვიდა საქართველოს სპორტისა და ახალგაზრდობის საქმეთა მინისტრის მოადგილე რევაზ ჯაველიძე.

ეკონომიკისა და სოციალური საბჭოს ახალგაზრდობის ფორუმის მთავარ მიზანს წარმოადგენდა: ახალგაზრდობისთვის ისეთი პლატფორმის შექმნა, რომელშიც წევრ სახელმწიფოებთან ერთად მაღალი დონის საკითხების დიალოგებში ჩაერთვებიან ახალგაზრდები, მათ შორის მაღალი დონის პოლიტიკურ ფორუმში; ინოვაციური მიდგომებისა და ინიციატივების ხელშეწყობა, ახალგაზრდობის განვითარების დღის წესრიგი, ნაციონალურ, რეგიონულ და გლობალურ დონეზე, რათა ხელი შეუწყონ „საერთო კეთილდღეობის" გლობალური პრობლემების გადაჭრას  არსებული გამოწვევების გათვალისწინებით, ასევე, 2030 წლის დღის წესრიგის განხორციელების ხელშეწყობით, ახალგაზრდობის განვითარების მიღწევებზე ინფორმაციის გაცვლა და ახალი იდეების გამოკვეთა საერთო ქმედებებისთვის, მშვიდობისა და კეთილდღეობის მიზნით.

რევაზ ჯაველიძემ თავის მოხსენებაში დეტალურად ისაუბრა იმ გამოწვევებზე, რომლების წინაშეც დგას საქართველოს მთავრობა ახალგაზრდობის პოლიტიკის იმპლემენტაციის პროცესში. სპორტისა და ახალგაზრდობის საქმეთა სამინისტრომ 2013 წლიდან შეიმუშავა სახელმწიფო ახალგაზრდული პოლიტიკის დოკუმენტი შემდგომ კი დოკუმენტით გათვალისწინებული მიზნების და ამოცანების მისაღწევი სამოქმედო გეგმა. სამინისტროს ინიციატივით შეიქმნა უწყებათაშორისი საკოორდინაციო საბჭო, რომელიც დაკომპლექტებული იყო ყველა სამინისტროს წარმომადგენლით, პარლამეტის წევრებითა და გაეროს მოსახლეობის ფონდის საქართველოს ოფისის წარმომადგენლებით.

გამოიკვეთა ახალგაზრდების, მათი როლისა და საჭიროებების შესახებ მკაფიო და ერთიანი ხედვა, რომლის საფუძველზეც ჩამოყალიბდება შესაბამისი მიდგომები და მექანიზმები საქართველოში ახალგაზრდების სრულფასოვანი განვითარებისათვის.

სახელმწიფოსა და UNFPA-ს ერთობლივი ძალისხმევით შეიქმნა ახალგაზრდულ საკითხთა ადვოკატირების პლატფორმა, რომელიც საშუალებას აძლევს ახალგაზრდობის სფეროში მომუშავე ორგანიზაციებსა და თავად ახალგაზრდებს ღიად ისაუბრონ პრობლემურ საკითხებზე და გამოწვევებზე.

სამინისტრო აქტიურად თანამშრომლობს ისეთ საერთაშორისო ორგანიზაციებთან, როგორიცაა World Vision, აღნიშნული თანამშრომლობის ფარგლებში წარმატებით მიმდინარეობს ახალგაზრდობის მუშაკების გადამზადება და სერტიფიცირება.

სამინისტროს ორგანიზებით ყოველწლიურად იმართება „ახალგაზრდული ორგანიზაციების ფორუმი", რომელშიც მონაწილეობას იღებენ საქართველოს მასშტაბით არსებული არასამთავრობო ორგანიზაციები, ფორუმში მონაწილეთა რაოდენობა ყოველწლიურად იზრდება, 2016 წელს ფორუმზე საკუთარი საქმიანობის ამსახველი მასალა და სამომავლო გეგმები 181-მა ორგანიზაციამ წარადგინა.

მინისტრის მოადგილის თქმით აღნიშნული მიმართულებით სამინისტრო კიდევ უფრო აქტიურ მუშაობას გეგმავს და ყველა დაინტერესებულ მხარესთან თანამშროლობით ახალგაზრდობის განვითარების მიმართულებით სახელმწიფო სხვადასხვა პროგრამებს განახორციელებს. 

მინისტრის მოადგილე  ფორუმის ფარგლებში შეხვდა და   თანამშრომლობის გაღრმავების საკითხებზე ესაუბრა:
სერბეთის რესპუბლიკის სპორტისა და ახალგაზრდობის საქმეთა მინისტრს - Vanja Udovičić;
აზერბაიჯანის რესპუბლიკის ახალგაზრდობისა და სპორტის მინისტრს - Azad Rahimov;
ლიტვის რესპუბლიკის სოციალური დაცვისა და შრომის მინისტრს - Eitvydas Bingelis;
დანიის საგარეო საქმეთა მინისტრის მრჩეველს თანაბარი შესაძლებლობებისა და ჩრდილოეთთან თანამშრომლობის საკითხებში - Louise De Brass;
ახალგაზრდობის საკითხებზე გაეროს გენერალური მდივნის სპეციალურ წარმომადგენელს - Ahmad Alhendawi;

ფორუმის შედეგები აისახება, როგორც ყოველწლიური ეკონომიკისა და სოციალური საბჭოს ახალგაზრდობის ფორუმის მაღალი დონის სეგმენტზე, ასევე, პოლიტიკურ ფორუმზე (HLPF), რომელიც ჩატარდება 2017 წლის ივლისში თემაზე „სიღარიბის დაძლევა და კეთილდღეობის ხელშეწყობა ცვალებად სამყაროში".

 

სხვა ახალი ამბები
კატეგორია : ახალგაზრდობა თარიღი : 2017 ნოემბერი 06
ზემო ნიქოზის მეკლდეურთა კლუბი სპორტის და ახალგაზრდობის სამინისტროს დახმარებით 2017 წლიდან  ფუნქციონირებს.  კლუბში უკვე გაწევრიანებული არიან ადგილობრივი ახალგაზრდები, რომლებიც ყოველდღიურად ვარჯიშობენ თანამედროვე ინფრასტრუქტურით და უსაფრთხოების მექანიზმებით აღჭურვილ კლუბში და ქვეყნის მასშტაბით გამართულ შეჯიბრებებზეც აქტიურად გამოდიან.
კატეგორია : ახალგაზრდობა თარიღი : 2017 ოქტომბერი 30
  სპორტისა და ახალგაზრდობის საქმეთა სამინისტროს პროექტის ,,მეწარმეობის რეგიონული სკოლა''შემაჯამებელი ღონისძიება - დემო დღე, ახალგაზრდა მეწარმეების პროდუქტების გამოფენა„ფაბრიკაში" გაიმართა.პროექტის მონაწილებმა წარმოადგინეს პროექტის ფარგლებში შექმნილი პროტოტიპები - იმ ნაწარმისა და პროდუქციის პირველადი ვერსია, რომლის წარმოების იდეაც სწორედ პროექტის მსვლელობისას გაჩნდა. პროექტში ჩართულნი არიან  ახალგაზრდებიგორიდან, ზუგდიდიდან, ახალციხიდან და  პანკისის ხეობიდან.    
კატეგორია : ახალგაზრდობა თარიღი : 2017 ოქტომბერი 27
სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის დაფინანსებით წეროვანის დევნილთა დასახლებაში სოციალური საწარმო განახლდა. პროექტის მიზანი წეროვანში მდებარე სოციალური საწარმო „იკორთას" ეკონომიკური გაძლიერება და ადგილობრივი ახალგაზრდებისთვის საწარმოში დასაქმების მიზნით პროფესიული გადამზადების კურსების ჩატარება იყო. პროექტის ფარგლებში საწარმო აღიჭურვა საჭირო ტექნიკითა და ინვენტარით. „იკორთაში" ამ ეტაპზე მუდმივადაა დასაქმებული დევნილთა დასახლებაში მცხოვრები 6 ახალგაზრდა. სასწავლო კურსი მათ მინანქრის ოსტატმა საწარმოში დასაქმებულ 6 ახალგაზრდას ჩაუტარა სასწავლო კურსი.  
კატეგორია : ახალგაზრდობა თარიღი : 2017 ოქტომბერი 19
  ევროსაბჭოსა და ევროკავშირის ახალგაზრდული პარტნიორობა აცხადებს რეგისტრაციას უფასო 6 კვირიან ონლაინ სასწავლო კურსზე ახალგაზრდობის პოლიტიკის შესახებ. რეგისტრაციისთვის მიჰყევით ბმულს.     
კატეგორია : ახალგაზრდობა თარიღი : 2017 ოქტომბერი 13
  სპორტისა და ახალგაზრდობის საქმეთა სამინისტროს დაფინანსებით თბილისში კიდევ ერთი სოციალური საწარმო ამოქმედდა. საწარმოში ახალგაზრდებს ეძლევათ შესაძლებლობა შეისწავლონ ლითონებსა და ტიხრულ მინანქარზე მუშაობა. პროექტი სსიპ ბავშვთა და ახალგაზრდობის განვითარების ფონდის მხარდაჭერით ახალგაზრდა ფინანსისტთა და ეკონომისტთა ასოციაციამ განახორციელა.