სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
    04 05
16 18 19
21 22 24 25 26
27 28 29 30      

ახალგაზრდა ელჩების ვიზიტი ისრაელიდან

თარიღი: 2017 ივნისი 20


20 ივნისს საქართველოს სპორტისა და ახალგაზრდობის საქმეთა სამინისტროს  ისრაელიდან 40-მდე ახალგაზრდა ელჩი ესტუმრა. ახალგაზრდა ელჩებს მინისტრის მოადგილე რევაზ ჯაველიძე შეხვდა.
ვიზიტი გაცნობითი ხასიათის იყო და კითხვა პასუხის რეჟიმში გაიმართა. შეხვედრაზე განიხილეს საქართველოში ახალგაზრდობის პოლიტიკის ძირითადი მიმართულებები და პრიორიტეტები. ასევე ისაუბრეს საქართველოს წარმატებული სპორტის სახეობების შესახებ. ორივე მხარე მზად არის, რომ ითანამშრომლოს სამომავლო განვითარების გზაზე.


ჯგუფს  ხელმძღვანელობს ახალგაზრდა ელჩთა ეროვნული სკოლის თავმჯდომარე, ყოფილი ელჩი, იცხაკ ელდანი. სკოლის მიზანია მომავალი ლიდერებისა და დიპლომატების აღზრდა. დელეგაცია ასევე შეხვდა ისრაელის საგანგებო და სრულუფლებიანი ელჩი საქართველოში შაბთაი ცური, რომელიც მათ ორ სახელმწიფოს შორის არსებულ ურთიერთობებსა და  დიპლომატიური ურთიერთობების  25 წლისთავის შესახებ ესაუბრა. დელეგაციამ მოინახულა ისრაელის საელჩო საქართველოში და გაეცნო საელჩოს მუშაობის სპეციფიკას.
ასევე დაგეგმილია შეხვედრა საქართველოს პატრიარქ ილიაII-თან და თბილისის მერთან.
  
დელეგაცია საქართველოში 23 ივნისამდე დარჩება. ახალგაზრდა დიპლომატებს გაცნობითი ხასიათის ვიზიტები აქვთ მსოფლიოს  სხვადასხვა ქვეყანაში. 
სამინისტროს პრესსამსახური

სხვა ახალი ამბები
კატეგორია : ახალგაზრდობა თარიღი : 2017 ნოემბერი 06
ზემო ნიქოზის მეკლდეურთა კლუბი სპორტის და ახალგაზრდობის სამინისტროს დახმარებით 2017 წლიდან  ფუნქციონირებს.  კლუბში უკვე გაწევრიანებული არიან ადგილობრივი ახალგაზრდები, რომლებიც ყოველდღიურად ვარჯიშობენ თანამედროვე ინფრასტრუქტურით და უსაფრთხოების მექანიზმებით აღჭურვილ კლუბში და ქვეყნის მასშტაბით გამართულ შეჯიბრებებზეც აქტიურად გამოდიან.
კატეგორია : ახალგაზრდობა თარიღი : 2017 ოქტომბერი 30
  სპორტისა და ახალგაზრდობის საქმეთა სამინისტროს პროექტის ,,მეწარმეობის რეგიონული სკოლა''შემაჯამებელი ღონისძიება - დემო დღე, ახალგაზრდა მეწარმეების პროდუქტების გამოფენა„ფაბრიკაში" გაიმართა.პროექტის მონაწილებმა წარმოადგინეს პროექტის ფარგლებში შექმნილი პროტოტიპები - იმ ნაწარმისა და პროდუქციის პირველადი ვერსია, რომლის წარმოების იდეაც სწორედ პროექტის მსვლელობისას გაჩნდა. პროექტში ჩართულნი არიან  ახალგაზრდებიგორიდან, ზუგდიდიდან, ახალციხიდან და  პანკისის ხეობიდან.    
კატეგორია : ახალგაზრდობა თარიღი : 2017 ოქტომბერი 27
სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის დაფინანსებით წეროვანის დევნილთა დასახლებაში სოციალური საწარმო განახლდა. პროექტის მიზანი წეროვანში მდებარე სოციალური საწარმო „იკორთას" ეკონომიკური გაძლიერება და ადგილობრივი ახალგაზრდებისთვის საწარმოში დასაქმების მიზნით პროფესიული გადამზადების კურსების ჩატარება იყო. პროექტის ფარგლებში საწარმო აღიჭურვა საჭირო ტექნიკითა და ინვენტარით. „იკორთაში" ამ ეტაპზე მუდმივადაა დასაქმებული დევნილთა დასახლებაში მცხოვრები 6 ახალგაზრდა. სასწავლო კურსი მათ მინანქრის ოსტატმა საწარმოში დასაქმებულ 6 ახალგაზრდას ჩაუტარა სასწავლო კურსი.  
კატეგორია : ახალგაზრდობა თარიღი : 2017 ოქტომბერი 19
  ევროსაბჭოსა და ევროკავშირის ახალგაზრდული პარტნიორობა აცხადებს რეგისტრაციას უფასო 6 კვირიან ონლაინ სასწავლო კურსზე ახალგაზრდობის პოლიტიკის შესახებ. რეგისტრაციისთვის მიჰყევით ბმულს.     
კატეგორია : ახალგაზრდობა თარიღი : 2017 ოქტომბერი 13
  სპორტისა და ახალგაზრდობის საქმეთა სამინისტროს დაფინანსებით თბილისში კიდევ ერთი სოციალური საწარმო ამოქმედდა. საწარმოში ახალგაზრდებს ეძლევათ შესაძლებლობა შეისწავლონ ლითონებსა და ტიხრულ მინანქარზე მუშაობა. პროექტი სსიპ ბავშვთა და ახალგაზრდობის განვითარების ფონდის მხარდაჭერით ახალგაზრდა ფინანსისტთა და ეკონომისტთა ასოციაციამ განახორციელა.