სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
    04 05
16 18 19
20 21 22 23 24 25 26
27 28 29 30      

„წიგნი ყველა სოფელს - 2017” დასრულდა

თარიღი: 2017 ივნისი 27

სოციალური პროექტი „წიგნი ყველა სოფელს - 2017" დასრულდა. სოფლების ბიბლიოთეკებს პროექტის ფარგლებში წელს 10 000-ზე მეტი გამოცემა შეემატა.

წელს ბოლო მოსიარულე ბიბლიოთეკა საგარეჯოს მიმართულებით სპორტისა და ახალგაზრდობის საქმეთა სამინისტროდან გაემგზავრა. წიგნები კახეთისკენ მინისტრმა ტარიელ ხეჩიკაშვილმა, მინისტრის მოადგილე რევაზ ჯაველიძემ, ეროვნული ბიბლიოთეკის დირექტორმა გიორგი კეკელიძემ, პროექტის ინიციატორი ორგანიზაცია „სტუდენტური ერთიანობის" დამფუძნებელმა ბექა ღაჟონიამ და სამინისტროს თანამშრომლებმა გააცილეს. შეგროვებული წიგნების გარდა სამინისტრომ სოფლებში წელს, წინა წლების მსგავსად სპორტული ლიტერატურაც გაგზავნა.

პროექტს „წიგნი ყველა სოფელს" სპორტისა და ახალგაზრდობის საქმეთა სამინისტრო პარტნიორებთან ერთად მეოთხე წელია ახორციელებს. ამ პერიოდის განმავლობაში საქართველოს რეგიონებში 60 000-ზე მეტი წიგნი გაიგზავნა. წიგნების შესაგროვებლად ყუთები განთავსებული იყო სამების საკათედრო ტაძარში, ქაშვეთის, დიდუბის, გლდანისა და ვარკეთილის ტაძრებში, ასევე „ვისოლის" ავტოგასამართ სადგურებზე, სუპერმარკეტების ქსელ „სმარტის", ამერიკული რესტორნების ქსელ „ვენდის", და "დანქინ დონატსის" რესტორნებში.

ტარიელ ხეჩიკაშვილი:წიგნი ყველა სოფელს", შეიძლება ითქვას, ყველაზე სოციალური პროექტია - პროექტში ერთდროულად ჩართულია სახელმწიფო, არასამთავრობო და კერძო სექტორი, საპატრიარქო, ახალგაზრდები, ფართო საზოგადოება, ვისაც ქველმოქმედების სურვილი აქვს. გვახარებს ის გარემოება, რომ ახალგაზრდები და ბავშვები უფროსებთან ერთად არიან ჩართული თანატოლებისთვის წიგნების შეგროვების პროცესში. 4 წლის განმავლობაში სოფლებში დახურვას გადაურჩა ათეულობით ბიბლიოთეკა, რაც ჩვენთვის ძალიან მნიშვნელოვანია. მადლობა პროექტში ჩართულ ყველა მხარეს, თითოელი მათგანი უდავოდ ეროვნულ საქმეს ემსახურება. ეს არის პროექტი, რომელიც გვაერთიანებს".

სპორტისა და ახალგაზრდობის საქმეთა სამინისტრო პროექტს „წიგნი ყველა სოფელს" პარტნიორებთან ახორციელებს. პროექტის პარტნიორები არიან: „ვისოლ ჯგუფი", საპატრიარქოს ახალგაზრდული მოძრაობა  „დავითიანნი";  საქართველოს ეროვნული ბიბლიოთეკა, გამომცემლობა „პალიტრა L", „ბაკურ სულაკაურის გამომცემლობა".

სამინისტროს პრესსამსახური

სხვა ახალი ამბები
კატეგორია : ახალგაზრდობა თარიღი : 2017 ნოემბერი 06
ზემო ნიქოზის მეკლდეურთა კლუბი სპორტის და ახალგაზრდობის სამინისტროს დახმარებით 2017 წლიდან  ფუნქციონირებს.  კლუბში უკვე გაწევრიანებული არიან ადგილობრივი ახალგაზრდები, რომლებიც ყოველდღიურად ვარჯიშობენ თანამედროვე ინფრასტრუქტურით და უსაფრთხოების მექანიზმებით აღჭურვილ კლუბში და ქვეყნის მასშტაბით გამართულ შეჯიბრებებზეც აქტიურად გამოდიან.
კატეგორია : ახალგაზრდობა თარიღი : 2017 ოქტომბერი 30
  სპორტისა და ახალგაზრდობის საქმეთა სამინისტროს პროექტის ,,მეწარმეობის რეგიონული სკოლა''შემაჯამებელი ღონისძიება - დემო დღე, ახალგაზრდა მეწარმეების პროდუქტების გამოფენა„ფაბრიკაში" გაიმართა.პროექტის მონაწილებმა წარმოადგინეს პროექტის ფარგლებში შექმნილი პროტოტიპები - იმ ნაწარმისა და პროდუქციის პირველადი ვერსია, რომლის წარმოების იდეაც სწორედ პროექტის მსვლელობისას გაჩნდა. პროექტში ჩართულნი არიან  ახალგაზრდებიგორიდან, ზუგდიდიდან, ახალციხიდან და  პანკისის ხეობიდან.    
კატეგორია : ახალგაზრდობა თარიღი : 2017 ოქტომბერი 27
სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის დაფინანსებით წეროვანის დევნილთა დასახლებაში სოციალური საწარმო განახლდა. პროექტის მიზანი წეროვანში მდებარე სოციალური საწარმო „იკორთას" ეკონომიკური გაძლიერება და ადგილობრივი ახალგაზრდებისთვის საწარმოში დასაქმების მიზნით პროფესიული გადამზადების კურსების ჩატარება იყო. პროექტის ფარგლებში საწარმო აღიჭურვა საჭირო ტექნიკითა და ინვენტარით. „იკორთაში" ამ ეტაპზე მუდმივადაა დასაქმებული დევნილთა დასახლებაში მცხოვრები 6 ახალგაზრდა. სასწავლო კურსი მათ მინანქრის ოსტატმა საწარმოში დასაქმებულ 6 ახალგაზრდას ჩაუტარა სასწავლო კურსი.  
კატეგორია : ახალგაზრდობა თარიღი : 2017 ოქტომბერი 19
  ევროსაბჭოსა და ევროკავშირის ახალგაზრდული პარტნიორობა აცხადებს რეგისტრაციას უფასო 6 კვირიან ონლაინ სასწავლო კურსზე ახალგაზრდობის პოლიტიკის შესახებ. რეგისტრაციისთვის მიჰყევით ბმულს.     
კატეგორია : ახალგაზრდობა თარიღი : 2017 ოქტომბერი 13
  სპორტისა და ახალგაზრდობის საქმეთა სამინისტროს დაფინანსებით თბილისში კიდევ ერთი სოციალური საწარმო ამოქმედდა. საწარმოში ახალგაზრდებს ეძლევათ შესაძლებლობა შეისწავლონ ლითონებსა და ტიხრულ მინანქარზე მუშაობა. პროექტი სსიპ ბავშვთა და ახალგაზრდობის განვითარების ფონდის მხარდაჭერით ახალგაზრდა ფინანსისტთა და ეკონომისტთა ასოციაციამ განახორციელა.