სამინისტროში შესაბამისი თანამდებობის პირებთან მოქალაქეთა მიღება: მინისტრი: ხუთშაბათი 15:00 - 17:00 სთ;

ტელეფონი: 2 23 02 03,მისამართი: თბილისი 0134, ჩოლოყაშვილის გამზ. 9;

საჯარო ინფორმაციის ხელმისაწვდომობის უზრუნველყოფა და ზედამხედველობა. ტელეფონი 2 35 09 97, მეილი: n.udesiani@msy.gov.ge

გულშემატკივრის გამოკითხვა ico
სიახლეების კალენდარი ico
ორ სა ოთ ხუ პა შა კვ
            01
07 08
10 14 15
17 18 19 20 21 22
23 24 25 26 27 28 29
30 31          

სახელმწიფოს მხრიდან სოციალური მეწარმეობის მხარდაჭერის მექანიზმები შემუშავდება

თარიღი: 2017 სექტემბერი 22

სოციალური მეწარმეობის საკითხზე საერთაშორისო კონფერენცია გაიმართა სასტუმროში „რედისონ ბლუ ივერია“. კონფერენცია მიზნად ისახავს სახელმწიფოს მხრიდან მხარდაჭერის მექანიზმებისა და სამართლებრივი რეგულირების კუთხით არსებული საჭიროებების წარმოჩენას. მონაწილეებმა ქართველ და უცხოელ ექსპერტებთან ერთად განიხილეს ადგილობრივი და საერთაშორისო გამოცდილება.

აღნიშნული კონფერენცია პროექტის „სოციალური მეწარმეობა-ინოვაციური მიდგომა ეკონომიკური და სოციალური ცვლილებებისთვის“ ფარგლებში იმართება. ღონისძიებას  საქართველოს სტრატეგიული კვლევების და განვითარების ცენტრი (CSRDG), განათლების, განვითარების და დასაქმების ცენტრი (KEDEC)  და საქართველოს არბაითერ-სამარიტერ-ბუნდი (ASB) ახორცილებს. პროექტი დაფინანსებულია ევროკავშირის მეირ.

მონაწილეებს სიტყვით მიმართა სპორტისა და ახალგაზრდობის საქმეთა მინისტრის მოადგილე რევაზ ჯაველიძემ:

„ჩვენი უწყება არის ერთ-ერთი წარმატებული  სახელმწიფო სტრუქტურა, რომელიც ჩართულია სოციალური მეწარმეობის განვითარების საქმეში. სსიპ ბავშვთა და ახალგაზრდობის განვითარების ფონდი რამდენიმე წელია ახორციელებს სხვადასხვა სოციალურ  პროექტს, თანამშრომლობს არასამთავრობო სექტორთან და ამ თანამშრომლობის შედეგად დაფუძნდა არაერთი სოციალური საწარმო თბილისსა და რეგიონებში. მათი რაოდენობა წლიდან წლამდე იზრდება. შარშან 26 ასეთი პროექტი დავაფინანსეთ, წელს 18, 4 წლის განმავლობაში ჯამში 60 საწარმო დაფუძნდა. დაახლოებით, ერთ მილიონ ლარამდე დაიხარჯა ამ პროექტებზე, ამ მიმართულებით დასაქმებულია 200 ადამიანი. ეს ნამდვილად პოზიტიური დინამიკაა, მაგრამ საკმარისი არ არის.  სოციალური ეკონომიკის განვითარება ერთ-ერთი საინტერესო კონცეფციაა და ზოგადად ასე ვითარდება ქვეყნები. ვფიქრობ, რომ სოციალური საწარმოების როლის გაზრდა აუცილებელია და ჩვენი სამინისტრო, ისევე როგორც სახელმწიფო, ხედავს აუცილებლობას, რომ გაზარდოს ინვესტიციები ამ მიმართულებით.  გარდა ამისა, ჩვენ ვცდილობთ, ყოველწლიურად მეტი ინკლუზიური პროექტი გვქონდეს. ამით ხელს ვუწყობთ მათ მოტივაციას, რომ სოციალური პროცესების ნაწილად იგრძნონ თავი. ეკონომიკის განვითარებაზე ზრუნავს ნებისმიერი სახელმწიფო, სწორედ ამიტომ ჩვენთვის მუდმივად იქნება პრიორიტეტი მსგავსი პროექტების ხელშეწყობა“.

 

 

სამინისტროს პრესსამსახური

 

სხვა ახალი ამბები
კატეგორია : ახალგაზრდობა თარიღი : 2017 ოქტომბერი 13
  სპორტისა და ახალგაზრდობის საქმეთა სამინისტროს დაფინანსებით თბილისში კიდევ ერთი სოციალური საწარმო ამოქმედდა. საწარმოში ახალგაზრდებს ეძლევათ შესაძლებლობა შეისწავლონ ლითონებსა და ტიხრულ მინანქარზე მუშაობა. პროექტი სსიპ ბავშვთა და ახალგაზრდობის განვითარების ფონდის მხარდაჭერით ახალგაზრდა ფინანსისტთა და ეკონომისტთა ასოციაციამ განახორციელა.    
კატეგორია : ახალგაზრდობა თარიღი : 2017 ოქტომბერი 09
  ეროვნული ბიბლიოთეკის ცენტრალურ დარბაზში, პროექტის „შემოსე თანამოქალაქე" შემაჯამებელი ღონისძიება და შედეგების პრეზენტაცია გაიმართა. პროექტი ახალგაზრდული არასამთავრობო ორგანიზაცია ,,სტუდენტური ერთიანობის'' მიერაა ორგანიზებული და უკვე მეორე წელია ხორციელდება.     
კატეგორია : ახალგაზრდობა თარიღი : 2017 ოქტომბერი 06
  გაეროში საქართველოს ახალგაზრდობის ელჩი გენერალური ასამბლეის მესამე კომიტეტის სხდომაზე სიტყვით გამოვიდა.  გიორგი ტუმასიანმა მდგრადი განვითარების მიზნებსა და საქართველოში არსებულ ვითარებაზე ისაუბრა. ამასთან, უპასუხა რუსეთის წარმომადგენელს. ტუმასიანის განცხადებით, მოსკოვი აგრძელებს საქართველოს ტერიტორიების ოკუპაციას და არღვევს არაერთ საერთაშორისო შეთანხმებას.    
კატეგორია : ახალგაზრდობა თარიღი : 2017 სექტემბერი 20
  ლიტვის რესპუბლიკის სოციალური დაცვისა და შრომის სამინისტრომ საქართველოში ოთხდღიანი ოფიციალური ვიზიტი დაასრულა. დელეგაციას სპორტისა და ახლგაზრდობის საქმეთა სამინისტრომ უმასპინძლა.    
კატეგორია : ახალგაზრდობა თარიღი : 2017 სექტემბერი 19
  ბაზალეთში საზეიმოდ გაიხსნა საერთაშორისო ბანაკი  „ConnectingYouthThroughArt: EU-EaPSummerCamp 2017". ბანაკს სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის ეროვნული ცენტრი ახორციელებს  და ის საქართველოში ევროკავშირის წარმომადგენლობის მხარდაჭერით ტარდება.