2012 წლის ევროპის საფეხბურთო ჩემპიონატის 16-ვე მონაწილე ცნობილი გახდა. პოლონეთ-უკრაინაში წამსვლელი  ბოლო ოთხეული გუშინ ღამით გამოვლინდა და ესენი არიან – პორტუგალია, ირლანდია, ჩეხეთი და ხორვატია. მათ ორი მატჩის ჯამში დაამარცხეს შესაბამისად ბოსნია, ესტონეთი, მონტენეგრო და თურქეთი. საკვალიფიკაციო ეტაპი მანამდე დაძლიეს გერმანიამ, რუსეთმა, იტალიამ, საფრანგეთმა, ჰოლანდიამ, საბერძნეთმა, ინგლისმა, დანიამ, ესპანეთმა და შვედეთმა.

პეტრა კვიტოვა წლის საუკეთესო ჩოგბურთელი ქალია. 2011 წლის სეზონის შეჯამების შემდეგ ასე დაასკვნა ქალთა საჩოგბურთო ასოციაციამ მიუხედავად იმისა, რომ მსოფლიო რეიტინგში პირველ ადგილზეა დანიელი კაროლინ ვოზნიაცკი, კვიტოვა კი ოფიციალურად მხოლოდ მეორე ჩოგანია. 21 წლის ჩეხ ჩოგბურთელს შთამბეჭდავი სეზონი ჰქონდა, მოიგო მსოფლიოს არაოფიციალურ ჩემპიონატად აღიარებული “უიმბლდონი” და კიდევ ხუთი სხვა ტურნირი.  

კამერუნის ნაკრებისა და მაჰაჩყალის “ანჟის” თავდამსხმელი სამუელ ეტოო აფრიკის წლის საუკეთესო ფეხბურთელია. გამოკითხვაში, რომელიც მაროკოულმა გაზეთმა “ალ მუნტაჰაბმა” მოაწყო, ეტოომ იოლად აჯობა მთავარ კონკურენტებს – განელ ასამოა გიანს და მაროკოელ მარუან შამახს. 30 წლის ეტოომ მეხუთედ მოიპოვა ეს პრესტიჟული პრიზი და ამ მხრივ მას აფრიკაში ანალოგი არ მოეძებნება.

მსოფლიოს ყოფილმა პირველმა ჩოგანმა როჯერ ფედერერმა მორიგი რეკორდი დაამყარა. 30 წლის შვეიცარიელმა ჩოგბურთელმა შეძლო “მასტერსის” სერიის ცხრავე ტურნირის ფინალამდე მისვლა, როცა პარიზის მასტერსის ფინალში თამაშის უფლება მოიპოვა. კვირას მან შეძლო წარმატების ბოლომდე მიყვანა და ფინალში 6:1, 7:6 დაამარცხა ფრანგი ჟო-ვილფრედ ცონგა.

ესპანეთის ნაკრები ევროპის ჩემპიონია. სერჟიო სკარიოლოს გაწვრთნილმა გუნდმა ფინალურ მატჩში საფრანგეთი 98:85 დაამარცხა და კონტინენტის საუკეთესო გუნდის წოდება მეორედ მოიპოვა. ესპანელებმა ტურნირი ისე განვლეს, როგორც ნამდვილ ჩემპიონს შეეფერება. ფინალში 27 ქულის ჩაგდება მოახერხა ხუან კარლოს ნავარომ, რომელმაც ევრობასკეტის უძვირფასესი მოთამაშის (MVP) ტიტულიც დამსახურებულად მოიპოვა.

კალათბურთში 2011 წლის ევროპის ჩემპიონატის ფინალურ ეტაპზე საქართველოს ეროვნული ნაკრების მეტოქეები 30 იანვარს გაირკვევა. ფიბა-ევროპამ საქართველოს კალათბურთის ფედერაციას ოფიციალური პრეს-რელიზით ამცნო, რომ კენჭისყრას ევროპირველობის მასპინძელი ლიტვის დედაქალაქი ვილნიუსი 2011 წლის 30 იანვარს უმასპინძლებს.  

ფიბა-მ კალათბურთის ოფიციალურ წესებში რამდენიმე ცვლილება შეიტანა, რაც 24-წამიანი მოწყობილების მუშაობასა და მოედნის შიდა ზომებს ეხება. საქართველოს კალათბურთის ფედერაციას, როგორც ფიბა-ს წევრს, ეროვნულ ჩემპიონატში სწორედ ეს ახალი წესები შემოაქვს. სუპერლიგის ახალ, 2010-2011 წლების სეზონში თამაშები მხოლოდ იმ მოედნებზე ჩატარდება, რომლებიც ახლებურად იქნება დახაზული.    

მსოფლიოს ახალი ჩემპიონი ჰყავს. ესპანეთის ნაკრებმა არსებობის ისტორიაში პირველად მოახერხა მსოფლიოს ჩემპიონობა და მერვე ნაკრები გახდა, რომელმაც მსოფლიოს პირველობის ოქროს მედლები არავის დაუთმო. 11 ივლისს იოჰანესბურგის "სოკერ სიტი სთედიუმზე" გამართულ ფინალურ მატჩში დელ ბოსკეს გუნდმა ჰოლანდიის ნაკრები 1:0 დაამარცხა და ჩემპიონი გახდა.  

10 ივლისს სამხრეთ აფრიკაში მსოფლიოს ჩემპიონატზე მესამე ადგილისთვის მატჩი გაიმართა. გერმანელებმა ზედიზედ მეორე ჩემპიონატზე ბრინჯაოს მედალი მოიგეს. იოახიმ ლიოვის გუნდმა ურუგვაის ნაკრები 3:2 დაამარცხა. არ გამართლდა იმ  გულშემატკივრების ვარაუდი ვინც ამბობდა, რომ  ბრინჯაოს მედლებისთვის თამაშში გუნდები მოტივაციას კარგავენ და საინტერესო დაპირისპირება არ გამოდის.

არც ჰოლანდიის და არც ესპანეთის ნაკრებს აქამდე მსოფლიოს ჩემპიონატი არ მოუგიათ, რაც იმას ნიშნავს რომ მსოფლიოს ახალი ჩემპიონი ეყოლება. 7 ივლისს გამართულ ნახევარფინალურ მატჩში ესპანეთის ნაკრებმა იოახიმ ლიოვის გერმანიას 1:0 მოუგო და პირველად მოახერხა მსოფლიოს ჩემპიონატის ფინალ ში გასვლა.